Wes-Vlaandere West-Vlaanderen
Provinsie
Die IJzerrivier naby Diksmuide
Vlag Wapen
Ligging van die provinsie Wes-Vlaandere in België
Koördinate: 51°0′N 3°0′O / 51.000°N 3.000°O / 51.000; 3.000
Land	België
Gewes	Vlaandere
Hoofstad	Brugge
Regering
• Goewerneur	Carl Decaluwé (CD&V)
Oppervlak [1]
• Totaal	3 196,59 km2 (1 234,21 vk. myl)
Bevolking [2]
• Totaal	1 220 026
• Digtheid	382/km2 (990/vk. myl)
	1 Januarie 2023
Tydsone	UTC+01:00 (MET)
• Somertyd	UTC+02:00 (MEST)
Webwerf	www.west-vlaanderen.be

Wes-Vlaandere (Nederlands: West-Vlaanderen, Frans: Flandre-Occidentale, Duits: Westflandern, Wes-Vlaams: West-Vloandern) is 'n Belgiese provinsie in Vlaandere. Die provinsie het 'n bevolking van sowat 1 220 000 in 2023 gehad en beslaan 'n oppervlakte van 3 197 km² met 'n bevolkingsdigtheid van 382 per km². Die hoofstad is Brugge.

Wes-Vlaandere lê in die uiterste noordweste van België en grens in die noorde aan die Nederlandse provinsie Zeeland, in die noordweste aan die Noordsee en in die suidweste (en 'n stukkie in die suide) aan die Franse gewes Nord-Pas-de-Calais. In Wes-Vlaandere word Nederlands en Wes-Vlaams gepraat.

In die uiterste suidweste lê die Wes-Vlaamse Heuwelland. Deur die provinsie vloei die IJzer- en Leieriviere. Die hoogste punt is die Kemmelberg (156 m) in die munisipaliteit Heuvelland in die Wes-Vlaamse Heuwelland.

Wes-Vlaandere is in administratiewe opsig in agt arrondissemente verdeel:

• Arrondissement Brugge
• Arrondissement Diksmuide
• Arrondissement Ieper
• Arrondissement Kortrijk
• Arrondissement Oostende
• Arrondissement Roeselare
• Arrondissement Tielt
• Arrondissement Veurne

Die arrondissimente is in 64 munisipaliteite verdeel.

• Wikimedia Commons het meer media in die kategorie Wes-Vlaandere.
• (nl) Amptelike webwerf van die provinsie Wes-Vlaandere

Hierdie artikel is ’n saadjie. Voel vry om Wikipedia te help deur dit uit te brei.

Provinsies, geweste en gemeenskappe van België
Brusselse Hoofstedelike Gewes Vlaamse Gewes: Antwerpen | Limburg | Oos-Vlaandere | Vlaams-Brabant | Wes-Vlaandere Waalse Gewes: Brabant wallon (Waals-Brabant) | Hainaut (Henegouwe) | Liège/Lüttich (Luik) | Luxembourg (Luxemburg) | Namur (Namen) Vlaamse Gemeenskap | Franse Gemeenskap | Duitstalige Gemeenskap