Die klub is in 1907 as SC Alemannia Idar gestig. Die naam is twee jaar later verander na 1. FC 1907 Idar. Die klub het sy hoogtepunt in die 1945/46-seisoen bereik toe daar in die Oberliga Suidwes op die hoogste vlak meegeding is.
In 1971 is daar met Sportvereinigung 08 Idar saamgesmelt om die huidige klub te vorm. Die "nuwe" klub se grootste prestasie was om in 1998 die SWFV-Pokal (Suidwes sokkerbondbeker) te wen en daarmee toegang tot die eerste rondte van die DFB-Pokal te verkry. 'n Verdere hoogtepunt was om een seisoen (1999/00) in die Regionalliga Wes op die derde vlak deur te bring.
