Richard Harris

Richard Harris
'n Beeld van die betrokke persoonlikheid.
Harris in 1985.
Geboortenaam Richard St John Harris
Geboorte (1930-10-01)1 Oktober 1930
Sterfte 25 Oktober 2002 (op 72)
Aktiewe jare 1958–2002

Richard St John Harris (1 Oktober 1930 – 25 Oktober 2002)[1] was ’n Ierse akteur, sanger, skrywer, vervaardiger, regisseur en draaiboekskrywer.

Loopbaan

Harris het op die verhoog en in talle rolprente verskyn. Hy het sy debuut in 1958 in die prent Alive and Kicking gemaak en in 1959 in die West End die hoofrol in die toneelstuk The Ginger Man gespeel. Hy was ook in Mutiny on the Bounty (1962). Sy eerste hoofrol in ’n fliek was in This Sporting Life (1963), as ’n bitter jong steenkoolmyner wat ’n bekende rugbyspeler word.

Ander rolle sluit in koning Arthur in Camelot (1967), ’n aristrokraat en gevangene in A Man Called Horse (1970), ’n skutter in Clint Eastwood se western Unforgiven (1992), keiser Marcus Aurelius in Gladiator (2000) en Albus Dumbledore in die eerste twee Harry Potter-flieks (2001 en 2002).

Harris het ook ’n top-10-treffer in Brittanje en die VSA gehad met sy 1968-weergawe van Jimmy Webb se liedjie "MacArthur Park", wat goue status verwerf het.[2]

Verwysings

  1. ↑ "Lionhearted - Death, Richard Harris" (in Engels). People.com. 26 Mei 2014. Geargiveer vanaf die oorspronklike op 6 Maart 2016. Besoek op 19 Augustus 2015.
  2. ↑ Murrells, Joseph (1978). The Book of Golden Discs (2nd uitg.). Londen: Barrie and Jenkins Ltd. p. 241. ISBN 978-0-214-20512-5. Besoek op 8 November 2011.

Eksterne skakels