PROFILPELAJAR.COM

	Clinton Eastwood
	Eastwood in 2010 by die Toronto-rolprentfees.
Geboortenaam	Clinton Eastwood Jr.
Geboorte	31 Mei 1930 (94 jaar oud) ; San Francisco, Kalifornië, Verenigde State
Nasionaliteit	Amerikaans
Lewensmaat	Maggie Johnson 1953-1984,; Dina Eastwood 1996 -2014
Kinders	Onbepaalde getal, o.a. Scott Eastwood
Beroep(e)	Akteur, regisseur, vervaardiger, politikus en musikant
Aktiewe jare	1954-tans
Internet-rolprentdatabasis-profiel

Clinton "Clint" Eastwood jr. (gebore op 31 Mei 1930) is ’n Amerikaanse akteur, rolprentvervaardiger, regisseur, musikant en politieke figuur wie se loopbaan oor meer as ses dekades strek.

Vroeë lewe

Eastwood is gebore op 31 Mei in San Francisco, die seun van Clinton Eastwood Sr. (1906–1970) en Ruth (Runner) Wood (1909–2006).

Eastwood het 'n aantal beroepe probeer, waaronder as lewensredder, papierdraer, kruidenierswinkel, boswagter en gholfkaddy.^[1]

Loopbaan

Hy het in die 1960's bekend geraak vir sy rol as die Man Sonder Naam in die Dollars-trilogie en in die 1970's en 1980's as die antiheld-polisieman Harry Callahan in die vyf Dirty Harry-rolprente. Dié en ander rolle het hom ’n toonbeeld van manlikheid gemaak.^[2]

Vir sy western Unforgiven (1992) en sportdrama Million Dollar Baby (2004) het Eastwood Oscars gewen vir beste regisseur en beste prent, en het hy benoemings gekry vir beste akteur. Sy grootste kommersiële sukses was die avontuurkomedie Every Which Way but Loose (1978) en die opvolg, Any Which Way You Can (1980), ná inflasieaanpassings.^[3] Ander gewilde prente sluit in die western Hang 'Em High (1968), die sielkundige riller Play Misty for Me (1971), die misdaadprent Thunderbolt and Lightfoot (1974), die western The Outlaw Josey Wales (1976), die tronkfliek Escape from Alcatraz (1979), die spanningsprent Tightrope (1984), die western Pale Rider (1985) en die romantiese drama The Bridges of Madison County (1995).

Benewens die regissering van prente waarin hy die hoofrol gespeel het, was hy ook die regisseur van prente waarin hy nie verskyn het nie, soos die raaiseldrama Mystic River (2003) en die oorlogsprent Letters from Iwo Jima (2006), waarvoor hy Oscar-benoemings gekry het, en die drama Changeling (2008). Die oorlogsdrama American Sniper (2014) het die meeste geld nog gemaak van ’n Januarie-uitreiking en was ook die grootste opening van ’n Eastwood-fliek. In Frankryk, waar sy prente baie gewild is, het hy in 1994 ’n "Commandeur" van die "Ordre des Arts et des Lettres" geword en in 2007 het hy die "Légion d'honneur"-medalje ontvang. In 2000 het hy die Goue Leeu op die Venesiese Rolprentfees gekry vir sy lewenslange bydrae tot die rolprentbedryf.

Politiek

Van 1986 tot 1988 was Eastwood die onpartydige burgemeester van Carmel-by-the-Sea in Kalifornië.^[4]

Filmografie

Eastwood het bygedra tot meer as 50 films oor sy loopbaan as akteur, regisseur, vervaardiger en komponis.^[5] Hy het in 1971 begin werk as regisseur.

Vervaardiger of regisseur

Play Misty for Me
High Plains Drifter
Breezy
The Eiger Sanction
The Outlaw Josey Wales
The Gauntlet
Every Which Way but Loose
Bronco Billy
Firefox
Honkytonk Man
Sudden Impact
Tightrope
Pale Rider
Heartbreak Ridge
Bird
Thelonious Monk: Straight, No Chaser
White Hunter Black Heart
The Rookie
Unforgiven
A Perfect World
The Bridges of Madison County
The Stars Fell on Henrietta
Absolute Power
Midnight in the Garden of Good and Evil
True Crime
Space Cowboys
Blood Work
Mystic River
Million Dollar Baby
Flags of Our Fathers
Letters from Iwo Jima
Changeling
Gran Torino
Invictus
Hereafter
J. Edgar
Trouble with the Curve
Jersey Boys
American Sniper
Sully
Indian Horse
The 15:17 to Paris
The Mule

Verwysings

↑ Eliot, p. 17
↑ Kitses, Jim (2004). Horizons West. British Film Institute. ISBN 1-84457-050-9.
↑ "Clint Eastwood Movie Box Office Results" (in Engels). Box Office Mojo. Geargiveer vanaf die oorspronklike op 9 September 2019. Besoek op 17 Januarie 2014.
↑ Eliot, Marc (2009). American Rebel: The Life of Clint Eastwood. New York: Harmony Books. ISBN 978-0-307-33688-0.
↑ Rowan, Terry (2015). Who's Who In Hollywood!. Lulu.com. p. 105. ISBN 9781329074491.