Puebla de Zaragoza Cuetlaxcoapan
Kaart	Wapen
	Vlag
Land	Meksiko
Deelstaat	Puebla
Koördinate	19°02′N 98°11′W / 19.033°N 98.183°W / 19.033; -98.183
Gestig op	16 April 1531
Oppervlakte:
- Totaal	534,32 vk km
Hoogte bo seevlak	2 135 m
Bevolking:
- Totaal (2020)	1 692 181
- Bevolkingsdigtheid	2 619/vk km
- Metropolitaanse gebied	3 199 530
Tydsone	UTC -6 (CST)
Somertyd	UTC -5 (CDT)
Klimaat
- Tipe	Subtropiese klimaat
- Gemiddelde jaarlikse temperatuur	17,2 °C
- Gem. temp. Januarie/Julie	13,9 / 18,4 °C
- Gemiddelde jaarlikse neerslae	961,2 mm
Burgemeester	Eduardo Rivera Pérez
Amptelike webwerf	puebla.gob.mx

Puebla de Zaragoza ([ˈpweβla], Spaans: Heroica Puebla de Zaragoza, vorige koloniale naam: Puebla de los Ángeles; Nahuatl: Cuetlaxcoapan) is die hoofstad en grootste stad van die Meksikaanse deelstaat Puebla en dit is op 16 April 1531 deur Spanjaarde onder Fray Julían Garcés en Juan Salmerón gestig. Die stad het in 2020 'n bevolking van 1 692 181 en van 3 199 530 in die metropolitaanse gebied gehad en beslaan 'n oppervlakte van 534,32 km².

Puebla de Zaragoza is geleë net suidoos van die metropolitaanse gebied van Meksikostad en word deur die twee aktiewe vulkane Iztaccíhuatl en Popocatépetl van die hoofstad geskei. Puebla de Zaragoza is die vierde grootste stad van Meksiko ná Meksikostad, Guadalajara en Monterrey.

Ná die Meksikaanse Onafhanklikheidsoorlog het die stad 'n belangrike kulturele sentrum van dié land geword. Die Spaanse naam Heroica Puebla de Zaragoza is afgelei van 'n Meksikaanse oorwinning tydens die Franse inval in 1862. Puebla de Zaragoza word beskou as een van die mooiste stede van Meksiko, met geboue, wat dateer uit die koloniale tydperk asook moderne Meksikaanse argitektuur. Die historiese sentrum van Puebla de Zaragoza is in 1987 deur Unesco as wêrelderfenisgebied gelys. Dit was een van die gasheerstede tydens beide die FIFA Sokker-Wêreldbekertoernooi in 1970 en FIFA Sokker-Wêreldbekertoernooi in 1986.

• Wikimedia Commons het meer media in die kategorie Puebla de Zaragoza.
• (en) Toerisme-inligting oor Puebla de Zaragoza op Wikivoyage
• (es) Amptelike webwerf
• (en) (fr) Amptelike Unesco-bladsy

Hierdie artikel is ’n saadjie. Voel vry om Wikipedia te help deur dit uit te brei.

	Hoofstede van Meksiko
Hoofstede Aguascalientes • Campeche • Chetumal • Chihuahua • Chilpancingo • Colima • Cuernavaca • Culiacán • Durango • Guadalajara • Guanajuato • Hermosillo • La Paz • Mérida • Mexicali • Monterrey • Morelia • Oaxaca • Pachuca • Puebla de Zaragoza • Querétaro • Saltillo • San Luis Potosí • Tlaxcala • Tepic • Toluca • Tuxtla Gutiérrez • Victoria • Villahermosa • Xalapa • Zacatecas