Poesjkinskoje (Russies: Пушкинское) is 'n klein dorpie in Gorodowikofsk-rajon van Kalmikië, Rusland. Dit behoort tot die gelyknamige Poesjkinskoje Plaaslike Munisipaliteit wat nog een groter nedersetting, Tsjapajefskoje, insluit. Dit lê 10 kilometer noordwes van die rajon se setel, Gorodowikofsk.
Geskiedenis
Die dorpie is aan die begin van die 20ste eeu deur Kalmikiese setlaars gestig en het oorspronklik die naam Negdgtsj Ik Toegtn gehad. Ná die deportasie van die Kalmikiërs na Siberië deur Josef Stalin se Sowjetregering is die dorpie ter ere van Aleksander Poesjkin hernoem.[1]
Demografie
Volgens Sensus 2010 het Poesjkinskoje 110 inwoners gehad. Etniese Russe vorm die meerderheid van die dorpie se bevolking.[2]
_-_Kalmykia_(Crimea_disputed).svg)
.svg)