Sir Edouard Percy Cranwill Girouard (26 Januarie 1867 – 26 September 1932) was 'n Kanadese ingenieur en soldaat. Hy is in 1867 in Montreal gebore. Hy sluit in 1888 by die leër aan en veg in Soedan, waar hy homself onderskei in die konstruksie en organisasie van spoorweë. Met die uitbreek van die Tweede Vryheidsoorlog was hy direkteur van Spoorweë vir die Britse Magte en het hy die Imperial Military Railways georganiseer. In 1903 skryf hy sy offisiale verslag daaroor.[1]
Na die Verdrag van Vereeniging is die IMR ontbind en 'n nuwe spoorwegmaatskapei, die Sentraal-Suid-Afrikaanse Spoorweë (Central South African Railways of CSAR)gestig. Die CSAR is deur die Interkoloniale Raad van Transvaal en de Oranje Vrijstaat beheer. Girouard is as Kommissaris vir Spoorweë (Commissioner for Railways) aangestel.[2]
Hy is in 1932 in London oorlede.
Bronne
Verwysings
