OAK (Russies Объединённая Авиастроительная Корпорация, Obedinjonnaja Awiastroitelnaja Korporatsija, Engels United Aircraft Corporation) is 'n Russiese lugvaartkonsortium wat uit dié land se grootste vliegtuigvervaardigers Soechoi, Mikojan-Goerewitsj, Toepolef PSC, Iljoesjin en IRKUT (Berijef en Jakowlef) bestaan.
Meer as 80 persent van OAK se aandele word deur die Russiese regering gehou. Die maatskappy konsolideer privaat- en staatsbeheerde Russiese vliegtuigvervaardigers wat by die ontwerp, vervaardiging, bemarking en verkoop van militêre, passasiers-, vrag- en onbemande vliegtuie betrokke is.
