Max van der Stoel (* 3 Augustus 1924 in Voorschoten, † 23 April 2011 in Den Haag) was 'n Nederlandse politikus en lid van die Party van die Arbeid (PvdA), 'n sosiaal-demokratiese politieke party. Sy politieke standpunte was gematig links. Van der Stoel was 'n kampvegter vir menseregte en het ook die bestryding van linkse sowel as regse diktature tot een van sy politieke hoofdoelwitte gemaak.
Van der Stoel was van 1973 tot 1977 in die linkse Den Uyl-kabinet en van 1981 tot 1982 in die sentrum-linkse Van Agt II-kabinet minister van Buitelandse Sake. Van 1983 tot 1986 was hy ambassadeur by die Verenigde Nasies en van 1993 tot 2001 Hoë Kommissaris vir Nasionele Minderhede van die Organisasie vir Veiligheid en Samewerking in Europa (OVSE). Hy was ook 'n lid van die Eerste sowel as Tweede Kamer asook van die Europese Parlement en het die amp van adjunk-minister beklee.
Max van der Stoel het in die regte aan die Universiteit van Leiden studeer. Hy is in 2011 in die ouderdom van 86 jaar oorlede.[1]
Bronne
Eksterne skakels
.jpg)
