Marie Prins

Marie Jordaan
Geboortenaam Marie Prins
Gebore 1948
Vakgebied Plantkunde
Instelling(s) Suid-Afrikaanse Nasionale Biodiversiteitsinstituut
Alma mater Universiteit Stellenbosch
Universiteit van Pretoria
Bekend vir Plantkunde, Gymnosporia, Celastraceae

Marie Prins (gebore 1948, getroude naam Marie Jordaan) is 'n Suid-Afrikaanse plantkundige.[1]

Gymnosporia heterophylla - Spykerdoringboom

Opvoeding en loopbaan

Prins het aan die Universiteit van Stellenbosch gestudeer en met 'n BSc in Plantkunde gegradueer. Sy het haar BSc(Hon) en MSc aan die Universiteit van Pretoria voltooi. Sy het 'n PhD in plantkunde behaal met 'n proefskrif oor spykerdoringbome van die wêreld (Gymnosporia, Celastraceae). Sy was ook betrokke by die ontwikkeling van 'n webwerf met inligting oor Suid-Afrikaanse bome wat gemik is op beide amateurs en wetenskaplikes.[2]

Sy het die skrywers van die boek "Trees and Shrubs of Mpumalanga and the Kruger park", wat in 2002 gepubliseer is, raad met navorsing gegee. Sy het ook gevalle in die boek reggestel waar 'n plant voorheen as 'n nuwe variëteit beskryf is en later hergeklassifiseer is as 'n nuwe spesie.[3][4]

Sy werk by die Suid-Afrikaanse Nasionale Biodiversiteitsinstituut[5] en in 1999 is sy gelys as 'n wetenskaplike beampte vir die Nasionale Herbarium en betrokke is by die identifikasie van plante en die kurasie van die plant versameling, met spesiale belangstelling in bome van Suider-Afrika.[6]

Een studie waarin Prins betrokke was, sluit in 14 van die 17 genera wat in Combretaceae aanvaar is, insluitende 101 spesies en subspesies, in 'n poging om filogenetiese verhoudings tussen lede van die Combretaceae-familie te bepaal.[7] Monsters is van velduitstappies ingesamel na :

Kirstenbosch Botaniese Tuine

Gekultiveerde monsters is ook ingesluit van:

Sedert 2008 was Prins betrokke by die jaarlikse somerreënval vierdaagse werkswinkel van die SANBI by Umtamvuna-natuurreservaat, KwaZulu-Natal. Sy het 'n Gymnosporia identifikasie kursus vir CREW (Bewaarders van Skaars en Bedreigde Wildsblomme) vrywilligers, studente en lede van die provinsiale bewaringsagentskappe aangebied.[8]

In 2018 het die Botaniese Vereniging van Suid-Afrika Prins befondsing vir 'n taksonomiese hersiening van deel van die genus Olea toegeken. Taksonomie verskaf kritiese basiese inligting aan ander takke van Plantkunde (insluitend bewaring, omgewingsbestuur en onderwys), maar word beskou as een van die minste gewildste dele van Plantkunde. Daarom is befondsing moeilik om te verkry. Die genus Olea is laas in 1963 hersien. [9]

Die standaard skrywer afkorting M.Prins word gebruik om hierdie persoon as die skrywer aan te dui wanneer 'n botaniese naam aangehaal word.

Geselekteerde publikasies

Prins het ook in die volgende joernale gepubliseer: [10]

Sien ook

Verwysings

  1. ↑ (en) "Harvard University Herbaria - Index of Botanists - Prins, Marie". Harvard University Herbaria. Harvard University. Besoek op 6 Maart 2019.
  2. ↑ (en) SAPPI tree spotting | Lifer List(Google books) (1 ed.). Johannesburg: Jacana Media. 2004. ISBN 1770090363. Besoek op 6 Maart 2019.
  3. ↑ (en) Trees and shrubs of Mpumalanga and Kruger National Park (Google books). Johannesburg: Jacana. 2002. Besoek op 6 Maart 2019.
  4. ↑ Verduidelikende nota: 'n Spesie (bv. rose) mag verskeie variëteite bevat (bv. wit, pienk, rooi).
  5. ↑ "History of the KwaZulu-Natal National Herbarium". SANBI (in Engels). 2019. Geargiveer vanaf die oorspronklike op 30 Januarie 2020. Besoek op 6 Maart 2019.
  6. ↑ (en) "Sabonet News | Newsletter of the South African Biodiversity Network" (PDF). 4 (1). April 1999. ISSN 1027-4286. Besoek op 6 Maart 2019. {{cite journal}}: Cite journal requires |journal= (hulp)
  7. ↑ (en) OLIVIER MAURIN; MARK W. CHASE; MARIE JORDAAN; MICHELLE VAN DER BANK (1 Maart 2010). "Phylogenetic relationships of Combretaceae inferred from nuclear and plastid DNA sequence data: implications for generic classification". Botanical Journal of the Linnean Society. Oxford Academic. 162 (3): 453–476. Besoek op 6 Maart 2019.
  8. ↑ (en) Parbhoo, Suvarna (April 2013). "Crew News | News from the CREW KwaZulu-Natal Node" (PDF). SANBI. p. 2. Besoek op 7 Maart 2019.[dooie skakel]
  9. ↑ "Awards - Branch out with BotSoc". BotSocBlog (in Engels). Botanical Society of South Africa. 25 November 2018. Geargiveer vanaf die oorspronklike op 28 April 2020. Besoek op 6 Maart 2019.
  10. ↑ (en) "M. Jordaan's research work | University of Pretoria (UP) and other places". ResearchGate. Besoek op 6 Maart 2019.