Die manglietvisvanger (Halcyon senegaloides) is 'n skaars plaaslike trekvoël. Dit broei tydens die somer in kuswoud en oewerruigtes. Die voël oorwinter in manglietmoerasse. In Engels staan die voël bekend as die Mangrove Kingfisher.
Identifikasie
Die voël is 22 tot 24 cm lank en weeg 75 tot 90 gram. Die snawel is rooi (nie rooi-en-swart) asook die bene. Daar is 'n swart gewrigsvlek aan die ondervlerk en die kop is donkerder grys. Die voël is effens swaarder as die bosveldvisvanger. Die rug is ligblou wat die voël onderskei van ander spesies in dieselfde genus. Die jong voël het 'n bruinerige snawel en die bors is donker geskub.
Sien ook
Bron
