Die makriel (Scomber japonicus) is 'n vis wat aan die hele kus van Suid-Afrika voorkom. In Engels staan dit as die mackerel bekend. Die vis is ook bekend as die Pasifiese makriel of bloumakriel en is na verwant aan die Atlantiese makriel.
Voorkoms
Illustrasie
Die vis het 'n ronde, gestroomlynde lyf wat dit amper soos 'n tuna laat lyk. Die stert is dun by die basis en maak 'n diep vurk. Die rugkant van die vis is helder silwerig, met donkergroen golwende lyne aan die kante, terwyl die pens silwerwit is. Op die pens is ook klein swart kolletjies. Die vinne is bleekblou. Die visse weeg selde meer as 'n 1 kg terwyl enkele visse van 3 kg al gevang is.
Habitat en gewoontes
Die vis kom in diep waters voor (300 m is nie ongewoon nie) tot op die rand van die kontinentale plato. Makriel is 'n skoolvis wat leef op plankton, kril, klein vissies en klein pylinkvissies.
Makriel is 'n gewilde kommersiële eetvis, vanweë sy sagte vlees en goeie smaak. Makriel is ook hoog in omega-3 onversadigde vette en vitamien D, en 100 g gekookte vis verskaf 345 IU (3.45 IU/g) vitamien D.[1]
.jpg)
