Kepler-452b

Kepler-452b
Eksoplaneet
’n Kunstenaarsvoorstelling van Kepler-452b.
’n Kunstenaarsvoorstelling van Kepler-452b.
Moederster Kepler-452
Ster se eienskappe
Sterrebeeld Swaan
Regte klimming 19h 44m 00.89s[1]
Deklinasie +44° 16′ 39.2″[1]
Skynmagnitude (m) 13,426 (?)
Afstand (ligjaar) 1 400 ligjare
Metaalinhoud [Fe/H] 0,21±0,09[1]
Ouderdom 6±2 miljard jaar[1]
Spektraaltipe G2[1][2]
Planeet
Massa 5±2 M⊕
Radius 1,63+0,23−0,20 R⊕[1]
Temperatuur 265+15−13 K[1]
Wentelperiode 385 dae
Ontdekking
Datum 23 Julie 2015 (aangekondig)
Ontdekkers Kepler-ruimteteleskoop
Metode Oorgang
Status Gepubliseer
Portaal  Portaalicoon   Sterrekunde

Kepler-452b is ’n eksoplaneet wat om ’n G-tipe-ster, Kepler-452, wentel. Dit is deur die Kepler-ruimteteleskoop ontdek en Nasa het die ontdekking op 23 Julie 2015 aangekondig.[2] Dit is die eerste eksoplaneet byna so groot soos die Aarde wat ontdek is in die bewoonbare sone van ’n ster soortgelyk aan die Son.[3] Naas Kepler-438b stem die ster die meeste met die Aarde ooreen, maar dit is nie bekend of Kepler-452b ’n rots- of klein gasplaneet is nie.[4] Gebaseer op sy digtheid, is dit waarskynlik ’n rotsplaneet.

Die ster is 1 400 ligjare van die Sonnestelsel af; teen die spoed van die New Horizons-tuig sal dit sowat 25,8 miljoen jaar duur om dit te bereik.[5]

Eienskappe

Die planeet wentel elke 385 dae om sy ster.[6] Dit is ouer en 60% groter as die Aarde, maar lê ook in sy ster se bewoonbare sone. [7][8]

Sy massa is waarskynlik vyf keer dié van die Aarde en sy oppervlakswaartekrag is twee keer so groot, hoewel die berekening van eksoplanete se massa nie akkuraat is nie.[7] As dit ’n rotsplaneet is, is dit waarskynlik ’n Superaarde met baie aktiewe vulkane vanweë sy groter massa en digtheid. Die wolke op die planeet sal dik en newelagtig wees en die grootste deel van die planeet se oppervlak bedek. Van sy oppervlak af, sal sy ster feitlik nes die Son van die Aarde af lyk.[9]

Dit is nie duidelik of Kepler-452b ’n bewoonbare omgewing het nie. Sy ster, van tipe G2V, nes die Son, het ook byna dieselfde temperatuur en massa as die Son. Dit is egter 6 miljard jaar oud, dus 1,5 miljard jaar ouer as die Son. In hierdie stadium van die ster se evolusie kry Kepler-452b 10% meer energie as wat die Aarde tans van die Son af kry. As Kepler-452b ’n rotsplaneet is, sal dit onderworpe of byna onderworpe wees aan ’n weghol-kweekhuiseffek.[10]

Galery

  • ’n Diagram van Kepler-452b se wentelbaan in die Kepler-452-stelsel, in vergelyking met die binneste Sonnestelsel en die Kepler-186-stelsel asook hul onderskeie bewoonbare sones.
    ’n Diagram van Kepler-452b se wentelbaan in die Kepler-452-stelsel, in vergelyking met die binneste Sonnestelsel en die Kepler-186-stelsel asook hul onderskeie bewoonbare sones.
  • ’n Kunstenaarsvoorstelling van die Aarde (links) in vergelyking met Kepler-452b, wat sowat 60% groter is.
    ’n Kunstenaarsvoorstelling van die Aarde (links) in vergelyking met Kepler-452b, wat sowat 60% groter is.
  • ’n Vergelyking van klein planete in die bewoonbare sone van hul sterre wat deur Kepler ontdek is.
    ’n Vergelyking van klein planete in die bewoonbare sone van hul sterre wat deur Kepler ontdek is.

Verwysings

  1. ↑ 1,0 1,1 1,2 1,3 1,4 1,5 1,6 "NASA Exoplanet Archive - Confirmed Planet Overview - Kepler-452b". Nasa-eksoplaneetargief. 2015. Besoek op 23 Julie 2015.
  2. ↑ 2,0 2,1 Jenkins, Jon M.; Twicken, Joseph D.; Batalha, Natalie M.; Caldwell, Douglas A.; Cochran, William D.; Endl, Michael; Latham, David W.; Esquerdo, Gilbert A.; Seader, Shawn; Bieryla, Allyson; Petigura, Erik; Ciardi, David R.; Marcy, Geoffrey W.; Isaacson, Howard; Huber, Daniel; Rowe, Jason F.; Torres, Guillermo; Bryson, Stephen T.; Buchhave, Lars; Ramirez, Ivan; Wolfgang, Angie; Li, Jie; Campbell, Jennifer R.; Tenenbaum, Peter; Sanderfer, Dwight; Henze, Christopher E.; Catanzarite, Joseph H.; Gilliland, Ronald L.; Borucki, William J. (23 Julie 2015). "Discovery and Validation of Kepler-452b: A 1.6 R⨁ Super Earth Exoplanet in the Habitable Zone of a G2 Star". The Astronomical Journal. 150 (2): 56. doi:10.1088/0004-6256/150/2/56. ISSN 1538-3881. Besoek op 24 Julie 2015.
  3. ↑ "NASA’s Kepler Mission Discovers Bigger, Older Cousin to Earth". Persberig. 23 Julie 2015. http://www.nasa.gov/press-release/nasa-kepler-mission-discovers-bigger-older-cousin-to-earth. Besoek op 23 Julie 2015. 
  4. ↑ Rincon, Paul (23 Julie 2015). "'Earth 2.0' found in Nasa Kepler telescope haul". BBC News (in Engels). Geargiveer vanaf die oorspronklike op 30 Maart 2020. Besoek op 24 Julie 2015.
  5. ↑ "NASA telescope discovers Earth-like planet in star's 'habitable zone". BNO News (in Engels). 23 Julie 2015. Geargiveer vanaf die oorspronklike op 28 Junie 2017. Besoek op 23 Julie 2015.
  6. ↑ Overbye, Dennis (23 Julie 2015). "Kepler Data Reveals What Might Be Best 'Goldilocks' Planet Yet". The New York Times (in Engels). Geargiveer vanaf die oorspronklike op 17 Junie 2019. Besoek op 23 Julie 2015.
  7. ↑ 7,0 7,1 Feltman, Rachel (23 Julie 2015). "Scientists discover 12 new potential Earth-like planets". The Washington Post. Besoek op 23 Julie 2015.
  8. ↑ Witze, Alexandra (23 Julie 2015). "NASA spies Earth-sized exoplanet orbiting Sun-like star". Nature (in Engels). Geargiveer vanaf die oorspronklike op 23 November 2019. Besoek op 23 Julie 2015.
  9. ↑ NASA Kepler press conference. 23 Julie 2015.
  10. ↑ Lugmayr, Luigi (23 Julie 2015). "Kepler-452b details unveiled". I4U News. Besoek op 23 Julie 2015.

Eksterne skakels