Die gesigtoehouprotea (Protea recondita) is 'n blomdraende struik wat hoort tot die bekende Proteagenus. Die spesie is endemies aan Suid-Afrika en kom voor vanaf die Piketberg en Sederberg tot by die Groot-Winterhoekberge waar dit deel van die fynbos-bioom is. Die struik is rond en plat, word tot 3,0 m in deursnee en slegs 1,0 m hoog en blom hoofsaaklik van Mei tot Julie.
'n Brand vernietig die plant maar die sade oorleef. Die saad word in 'n doppie geberg en daarna deur die wind versprei. Die plant is eenslagtig. Bestuiwing vind plaas deur die werking van voëls. Die plant groei op die boonste rotsagtige hellings op hoogtes van 1 000 - 2 000 m.
Dit staan ook bekend as die Skaamroos en in Engels staan dit as die Hidden sugarbush bekend.
Galery
Sien ook
Bronnelys
