Die Berlinale (Internationale Filmfestspiele) van Berlyn (Duitsland) is 'n A-kategorie-filmfees wat jaarliks gehou en as een van die beduidendste kompetisies vir nuwe filmproduksies ter wêreld beskou word.^[1] Met meer as 330 000 kaartjies wat jaarliks verkoop word en sowat 430 000 besoeke wat aan die deelnemende rolprentteaters afgelê word is die Berlinale die grootste internasionale filmfees wat oop staan vir die algemene publiek.^[2]

Tydens die Berlinale word jaarliks sowat 400 nuwe rolprente in verskillende kategorieë vertoon. Die suksesvolle kandidate, wat deur 'n internasionale jurie benoem word, word met 'n Goldener Bär ("Goue Beer") of Silberner Bär ("Silwerbeer") bekroon.

Die Berlinale word jaarliks deur sowat 20 000 professionele besoekers uit 128 lande bygewoon. Sowat 3 700 joernaliste dek die gebeure op die filmfees vir media in meer as 100 lande.^[3]

Die European Film Market (EFM), wat jaarliks saam met die Berlinale gehou word, is een van die beduidendste internasionale byeenkomste en handelskoue van die rolprentbedryf.^[4]

Die Berlinale is vir die eerste keer in 1951 gehou. Tricia Tuttle fungeer sedert 2025 as direkteur van die filmfees. Die Berlinale is tans die belangrikste jaarlikse kulturele gebeurtenis van die Duitse hoofstad.^[5] Die Berlinale word sedert 2002 deur die Kulturveranstaltungen des Bundes in Berlin GmbH, 'n federale Duitse onderneming, beheer en sowel deur die federale Duitse regering asook privaat borge befonds.^[6] Die 74ste Berlinale is tussen 15 en 25 Februarie 2024 gehou.

Die Berlinale 2005 is die 55ste filmfees in Berlyn en die vierde onder die leiding van die Berlinale-direkteur Dieter Kosslick. 3 320 inskrywings is ontvang waarvan 400 produksies vir die kompetisie gekeur is. 21 rolprente is in die hoofkompetisie vertoon en het meegeding om een van die Goue en Silwerbere van die Berlinale te wen.

Buite die kompetisie is daar talle forums vir dokumentêre en ander films asook die jaarlikse Retrospektive. In 2005 behandel dit die ontwerp van produksies (Production Design + Film). Die Talentcampus gee jonger filmmakers 'n kans om hul rolprente aan die publiek en kritici bekend te stel.

Suid-Afrika se inskrywing U-Carmen eKhayelitsha van die regisseur Mark Dornford-May is aangewys as die beste film en het die "Goldener Bär" (Goue Beer) gewen. Die rolprent bied Georges Bizet se opera "Carmen" in Xhosa aan, en ook die handeling is aangepas aan 'n Suid-Afrikaanse omgewing. Die hoofrol word gespeel deur die Suid-Afrikaanse operasangeres Pauline Malefane.

Pauline Malefane het tydens haar dankbetuiging in Xhosa gepraat en ook 'n a-cappella-liedjie vir die gehoor gesing.

Ook die Frans-Brits-Suid-Afrikaanse koproduksie Man to Man is in die kompetisie vertoon.

Die belangrikste ander pryswenners van 2005 is:

• Silberner Bär (Silwerbeer): Peacock van Gu Changwei (Volksrepubliek China)
• Beste aktrise (Silwerbeer): Julia Jentsch vir haar rol in Sophie Scholl – Die letzten Tage (Duitsland)
• Beste akteur (Silwerbeer): Lou Taylor Pucci vir sy rol in Thumbsucker (VSA)
• Beste regisseur (Silwerbeer): Marc Rothemund vir sy film Sophie Scholl – Die letzten Tage (Duitsland)
• Beste filmmusiek (Silwerbeer): Alexandre Desplat (Frankryk)

Die 56ste filmfees is volgens die organisators ook 'n ekonomiese sukses – met sowat 150 000 kaartjies is 10 000 meer verkoop as in die voorjaar.

Die pryswenners van die jaar 2006 maak duidelik dat die Berlinale ook 'n onmiskenbare politieke ondertoon het. Die Goue Beer vir die beste film is toegeken aan Jasmila Zbanic se rolprent Grbavica, wat die storie van 'n jong vrou uit Bosnië-Herzegowina vertel. Sy is een van die slagoffers van die massaverkragtings tydens die Balkaanoorlog en baar later 'n meisie wat eers as 'n tiener die waarheid oor haar vader hoor.

Michael Winterbottom en Mat Whitecross uit die Verenigde Koninkryk het die Silwerbeer vir hulle dokumentêre drama The Road to Guantánamo gewen. Dit handel oor 'n groep Europeërs van Arabiese afkoms, wat in Afghanistan daarvan verdink word om lede van die terroristegroep Al-Kaïda te wees. Die Amerikaners interneer en folter die verdagtes.

Ander belangrike pryswenners is:

• Silberner Bär (Großer Preis der Jury): En Soap (Denemarke) en Offside (Iran)
• Silberner Bär (Beste aktrise): Sandra Hüller in Requiem (Duitsland)
• Silberner Bär (Beste akteur): Moritz Bleibtreu in Elementarteilchen (Duitsland)
• Silberner Bär (Beste prestasie): Jürgen Vogel in Der freie Wille (Duitsland)
• Silberner Bär (Beste filmmusiek): Peter Kam se Isabella (Volksrepubliek China)

Wenner van die Goue Beer as beste film: Tuyas Hochzeit

Ander pryswenners (Silwerbere):

• Groot prys van die jurie: El Otro
• Beste regisseur: Joseph Cedar vir Beaufort
• Beste aktrise: Nina Hoss vir Yella
• Beste akteur: Julio Chávez vir El Otro
• Buitengewone prestasie as kunstenaar: Die akteurs van Der gute Hirte
• Beste filmmusiek: Hallam Foe – This Is My Story
• Alfred-Bauer-prys: Park Chan-wook vir I'm a Cyborg, But That's OK
• FIPRESCI-prys: Jiří Menzel vir Obsluhoval jsem anglického krále ("Ek het die Engelse koning bedien")
• Prys van die Ekumeniese Jurie: Tuyas Ehe
• Prys van die Gilde van Duitse Filmkunsteaters: Hallam Foe

Die Goue Beer is aan die Brasiliaanse film Tropa de Elite van die regisseur José Padilha toegeken.

Die ander pryswenners (Silwerbere) was:

• Beste regisseur: Paul Thomas Anderson vir sy rolprent There Will Be Blood
• Groot prys van die jurie: Errol Morris vir S.O.P. Standard Operating Procedure
• Beste akteur: Reza Najie vir Avaze Gonjeshk-ha
• Beste aktrise: Sally Hawkins vir Happy-Go-Lucky
• Beste draaiboek: Wang Xiaoshuai vir Zuo you
• Buitengewone prestasie as kunstenaar: Jonny Greenwood vir There Will Be Blood
• Alfred-Bauer-prys: Lake Tahoe van Fernando Eimbcke

Vir die Berlinale 2009 is die Skotse aktrise Tilda Swinton as voorsitter van die beoordelaarspaneel aangewys.

Met die Duitse sterregisseur Tom Tykwer se nuwe film The International, wat buite die kompetisie vertoon word, is 'n wêreldpremière as openingsrolprent van die 59ste Berlinale-filmfees aangebied. In hierdie aksieriller met Clive Owen, Naomi Watts en Armin Mueller-Stahl in die hoofrolle probeer 'n Interpol-agent en 'n vroulike advokaat die kriminele bedrywighede van 'n magtige bankmaatskappy te ontmasker. Die rolprent het waarderende applous van sowat 1 600 toeskouers ontlok.

Ander Duitse rolprente, wat aan die kompetisie deelgeneem het, het die regisseuse Hermine Huntgeburth se verfilming van die Theodor Fontane-roman Effi Briest met Julia Jentsch in die hoofrol en Hans-Christian Schmid se Sturm, wat die spoor van wasgoed uit Berlynse hotelle na Poolse wasserye volg, ingesluit.

Die internasionale rolprente, wat deur die feesdirekteur Dieter Kosslick en sy span saamgestel is, is as "Dokumente der Lebensbedingungen in unserer globalisierten Welt" ("Dokumente van die lewensomstandighede in ons geglobaliseerde wêreld"), aldus Kosslick, beskryf.^[7]

Vir baie filmliefhebbers wat langs die rooi tapyte vergader was bekende Amerikaanse filmsterre weer een van die hooftrekpleisters. Vir die wêreldpremière van Mitchell Lichtenstein se familiegeskiedenis Happy Tears het Demi Moore en Ellen Barkin 'n besoek aan die Berlinale 2009 afgelê, terwyl Tommy Lee Jones en John Goodman, wat die hoofrolle in die Franse regisseur Bertrand Tavernier se rolprent In the Electric Mist vertolk, ook vir die wêreldpremière van hul rolprent na Berlyn gekom het.

Volgens die Berlinale-direksie is in 2009 sowat 270 000 kaartjies verkoop en 383 rolprente tydens 1 238 opvoerings vertoon.

• Voorsitter: Tilda Swinton (aktrise, Skotland, Verenigde Koninkryk)
• Beoordelaars: Isabel Coixet (regisseuse en skryweres, Spanje), Gaston Kaboré (draaiboekskrywer, regisseur en produsent, Burkina Faso), Henning Mankell (skrywer, Swede), Christoph Schlingensief (rolprent-, teater- en operaregisseur, radiospel-regisseur en kunstenaar, Duitsland), Wayne Wang (regisseur en produsent, Hong Kong/VSA) en Alice Waters (voedselaktivis, meestersjef en skryweres, VSA)

Die Goue Beer is aan die Spaans-Peruviaanse koproduksie La teta asustada ("The Milk of Sorrow") van die regisseur Claudio Llosa toegeken.

Die ander pryswenners (Silwerbere) was:

• Beste regisseur: Asghar Farhadi vir sy rolprent Darbareye Elly ("Alles oor Elly", Iran)
• Groot prys van die jurie: Maren Ade (Duitsland) vir Alle anderen ("Everyone Else") en Adrián Biniez vir Gigante (Uruguay/Duitsland/Argentinië/Nederland)
• Beste akteur: Sotigui Kouyate in Rachid Bouchareb se London River (Algerië/Frankryk/Verenigde Koninkryk)
• Beste aktrise: Birgit Minichmayr in Alle anderen
• Beste draaiboek: Oren Moverman en Alessandro Camon vir The Messenger (VSA)
• Buitengewone prestasie as kunstenaar: Gábor Erdély en Tamás Székely vir die klankontwerp van Peter Strickland se rolprent Katalin Varga (Roemenië/Verenigde Koninkryk/Hongarye)
• Alfred-Bauer-prys: Gigante van Adrián Biniez en Tatarak ("Sweet Rush", "Der Kalmus"; Pole) van Andrzej Wajda

Die 60ste Berlinale-filmfees is met die wêreldpremière van Wang Quan'an se nuwe rolprent Tuan Yuan (Engelse titel: Apart Together) geopen. Wang Quan'an, 'n jong regisseur uit die Volksrepubliek China, het reeds in 2007 'n Goue Beer met sy fliek Tuyas Hochzeit gewen.

Tuan Yuan, 'n liefdesverhaal, handel oor Liu Yansheng, 'n oud-soldaat wat in 1949 uit Sjanghai na Taiwan vlug om aan Mao Zedong se troepe te ontsnap. Hy is egter genoodsaak om sy minnares agter te laat. Toe die twee ná dekades weer ontmoet, maak dit ou gevoelens wakker. Die hoofrolle in Tuan Yuan word deur Lu Yan, Ling Feng, Xu Cai Gen en Mo Xiaoqi vertolk.

• Voorsitter: Werner Herzog (regisseur, Duitsland)
• Beoordelaars: Renée Zellweger (aktrise, rolprentvervaardiger en Oscar-pryswenner, VSA), Francesca Comencini (regisseur en skryfster, Italië), Nuruddin Farah (skrywer, Somalië), Cornelia Froboess (aktrise, Duitsland), José Maria Morales (rolprentvervaardiger, Spanje) en Yu Nan (aktrise, Volksrepubliek China).

Die Goue Beer is aan die Turkse rolprent Bal ("Heuning") van die regisseur Semih Kaplanoğlu toegeken.

Die ander pryswenners (Silwerbere) was:

• Beste regisseur: Roman Polański (Pole/Frankryk) vir sy rolprent Ghostwriter (Frankryk, Duitsland, Verenigde Koninkryk))
• Groot prys van die jurie: Florin Şerban (Roemenië) vir Eu când vreau să fluier, fluier
• Beste akteur: Grigori Dobrygin en Sergei Puskepalis in Aleksei Popogrebski se Как я провёл этим летом (Kak ja prowjol etim letom/How I Ended This Summer, Russiese Federasie)
• Beste aktrise: Shinobu Terajima in Caterpillar
• Beste draaiboek: Wang Quan'an en Na Jin vir Tuan Yuan (Volksrepubliek China)
• Buitengewone prestasie as kunstenaar: Dmitri Katchanow vir Как я провёл этим летом (Kak ja prowjol etim letom/How I Ended This Summer, Russiese Federasie)
• Alfred-Bauer-prys: Eu când vreau să fluier, fluier van Florin Şerban
• Prys vir die beste debuut: Sebbe van Babak Najafi

• Voorsitter: Isabella Rosselin (Italiaanse aktrise)
• Beoordelaars: Jan Chapman (Australiese rolprentvervaardiger), Nina Hoss (Duitse aktrise), Aamir Khan (Indiese akteur en regisseur), Guy Maddin (Kanadese regisseur en draaiboekskrywer), Jafar Panahi (Iranse regisseur); alhoewel hy intussen 'n tronkstraf en beroepsverbod opgelê is, is sy nominasie uit solidariteit bevestig, en Sandy Powell (Britse kostuummaker)

Die Goue Beer is aan die Iranse rolprent Nader and Simin, A Separation van die regisseur Asghar Farhadi toegeken.

Die ander pryswenners (Silwerbere) was:

• Beste regisseur: Ulrich Köhler (Duitsland) vir sy rolprent Schlafkrankheit
• Groot prys van die jurie: Belá Tarr (Hongarye) vir A Torinói Ló
• Beste akteur: Peyman Moadi, Babak Karimi en Ali-Asghar Shahbazi (Nader and Simin, A Separation)
• Beste aktrise: Leila Hatami, Sareh Bayat, Sarina Farhadi en Kimia Hosseini (Nader and Simin, A Separation)
• Beste draaiboek: Joshua Marston en Andamion Murataj (VSA) vir The Forgiveness of Blood
• Buitengewone prestasie as kunstenaar: Wojciech Staron (kamera) en Barbara Enriquez (produksie-ontwerp) vir die Mexikaanse film El Premio
• Alfred-Bauer-prys: Andreas Veiel (Duitsland) vir Wer wenn nicht wir
• Prys vir die beste debuut: On the Ice van Andrew Okpeaha MacLean (VSA)

• Voorsitter: Mike Leigh (Britse teater- en rolprentregisseur)
• Beoordelaars: Anton Corbijn (Nederlandse fotograf en rolprentregisseur), Asghar Farhadi (Iranse rolprentregisseur en wenner van die Goue Beer 2011), Charlotte Gainsbourg (Franse aktrise en sangeres), Jake Gyllenhaal (Amerikaanse akteur), François Ozon (Franse rolprentregisseur – vier-keer-deelnemer in die wedstryd), Boualem Sansal ( Algeriese skrywer), Barbara Sukowa (Duitse aktrise en sangeres)

Die Goue Beer is aan die Italiaanse rolprent Cesare deve morire van die regisseure Paolo en Vittorio Taviani toegeken.

Die ander pryswenners (Silwerbere) was:

• Beste regisseur: Christian Petzold (Duitsland) vir sy rolprent Barbara
• Groot prys van die jurie: Bence Fliegauf (Hongarye) vir Csak a szél
• Beste akteur: Mikkel Boe Følsgaard (En kongelig affære)
• Beste aktrise: Rachel Mwanza (Rebelle)
• Beste draaiboek: Nikolaj Arcel en Rasmus Heisterberg (Denemarke) vir En kongelig affære
• Buitengewone prestasie as kunstenaar: Lutz Reitemeier (kamera) vir die Sjinese film Bai lu yuan
• Alfred-Bauer-prys: Miguel Gomes (Portugal) vir Tabu
• Prys vir die beste debuut: Kauwboy van Boudewijn Koole (Nederland)

• Voorsitter: Wong Kar-wai (Sjinese draaiboekskrywer, rolprentprodusent en regisseur)
• Beoordelaars: Susanne Bier (Deense rolprentregisseur), Andreas Dresen (Duitse rolprentregisseur – Groot prys van die jurie 2002 vir Halbe Treppe, genooi in die wedstryd van 1999 für Nachtgestalten), Ellen Kuras (Amerikaanse kameravrou), Shirin Neshat (Iranse fotograaf en filmmaker), Tim Robbins (Amerikaanse akteur, regisseur, produsent en skrywer – genooi in die wedstryd van 1996 für Dead Man Walking – Sein letzter Gang), Athina Rachel Tsangari (Griekse regisseur en -produsent)

Die Goue Beer is aan die Roemeense rolprent Poziția Copilului van die regisseur Călin Peter Netzer toegeken.

Die ander pryswenners (Silwerbere) was:

• Beste regisseur: David Gordon Green (VSA) vir sy rolprent Prince Avalanche
• Groot prys van die jurie: Danis Tanović (Bosnië-Herzegowina) vir Epizoda u životu berača željeza
• Beste akteur: Nazif Mujić (Epizoda u životu berača željeza)
• Beste aktrise: Paulina García (Gloria)
• Beste draaiboek: Jafar Panahi en Kambuzia Partovi (Iran) vir Pardé
• Buitengewone prestasie as kunstenaar: Aziz Zhambakiyev (kamera) vir die Kasakse film Uroki Garmonii
• Alfred-Bauer-prys: Denis Côté (Kanada) vir Vic+Flo ont vu un ours
• Prys vir die beste debuut: The Rocket van Kim Mordaunt

• Voorsitter: James Schamus (Amerikaanse rolprentvervaardiger)
• Beoordelaars: Barbara Broccoli (Amerikaanse rolprentvervaardiger), Trine Dyrholm (Deense aktrise), Mitra Farahani (Iranse vervaardiger en kunstenaar), Greta Gerwig (Amerikaanse aktrise), Michel Gondry (Franse vervaardiger), Tony Leung (Sjinese akteur), Christoph Waltz (Oostenrykse akteur).

Die Goue Beer is aan die Chinese rolprent Bai Ri Yan Huo van die regisseur Diao Yinan toegeken.

Die ander pryswenners (Silwerbere) was:

• Beste regisseur: Richard Linklater (VSA) vir sy rolprent Boyhood
• Groot prys van die jurie: Wes Anderson (VSA) vir The Grand Budapest Hotel
• Beste akteur: Liao Fan (Bai Ri Yan Huo)
• Beste aktrise: Haru Kuroki (Chiisai Ouchi)
• Beste draaiboek: Dietrich en Anna Brüggemann (Duitsland) vir Kreuzweg
• Buitengewone prestasie as kunstenaar: Zeng Jian (kamera) vir die Chinese film Tui Na
• Alfred-Bauer-prys: Alain Resnais (Frankryk) vir Aimer, boire et chanter
• Prys vir die beste debuut: Güeros van Alonso Ruizpalacios

• Voorsitter: Darren Aronofksy (Amerikaanse rolprentvervaardiger)
• Beoordelaars: Daniel Brühl (Duitse akteur), Bong Joon-ho (Suid-Koreaanse rolprentvervaardiger), Martha De Laurentiis (Amerikaanse rolprentvervaardiger), Claudia Llosa (Peruaanse rolprentvervaardiger), Audrey Tautou (Franse aktrise), Matthew Weiner (Amerikaanse rolprentvervaardiger).

Die Goue Beer is aan die Iranse rolprent Taxi van die regisseur Jafar Panahi toegeken.

Die ander pryswenners (Silwerbere) was:

• Beste regisseur: Radu Jude (Roemenië) vir Aferim! en Małgorzata Szumowska (Pole) vir Body
• Groot prys van die jurie: Pablo Larraín (Chili) vir El Club
• Beste akteur: Tom Courtenay (45 Years)
• Beste aktrise: Charlotte Rampling (45 Years)
• Beste draaiboek: Patricio Guzmán (Chili) vir Der Perlmuttknopf
• Buitengewone prestasie as kunstenaar: Sturla Brandth Grøvlen (kamera) vir die Duitse film Victoria asook Serhij Mychaltschuk en Jewgeni Priwin (beide kamera) vir Under Electric Clouds
• Alfred-Bauer-prys: Jayro Bustamante (Guatemala) vir Ixcanul
• Prys vir die beste debuut: 600 Millas van Gabriel Ripstein

• Voorsitter: Meryl Streep (Amerikaanse aktrise)
• Beoordelaars: Lars Eidinger (Duitse akteur), Nick James (Britse rolprentkritikus), Brigitte Lacombe (Franse fotograaf), Clive Owen (Britse akteur), Alba Rohrwacher (Italiaanse aktrise), Małgorzata Szumowska (Poolse regisseur)

Die Goue Beer is aan die Frans-Italiaanse dokumentêre rolprent Fuocoammare van die regisseur Gianfranco Rosi toegeken.

Die ander pryswenners (Silwerbere) was:

• Beste regisseur: Mia Hansen-Løve (Frankryk) vir L'avenir
• Groot prys van die jurie: Danis Tanović (Bosnië en Herzegowina) vir Smrt u Sarajevu / Mort à Sarajevo
• Beste akteur: Majd Mastour (Inhebbek Hedi)
• Beste aktrise: Trine Dyrholm (Kollektivet)
• Beste draaiboek: Tomasz Wasilewski vir Zjednoczone Stany Miłosci
• Buitengewone prestasie as kunstenaar: Chang Jiang Tu (kamera) vir Mark Lee Ping-Bing
• Alfred-Bauer-prys: Lav Diaz (Filippyne) vir Hele Sa Hiwagang Hapis
• Prys vir die beste debuut: Inhebbek Hedi van Mohamed Ben Attia

• Voorsitter: Paul Verhoeven (Nederlandse regisseur, draaiboekskrywer en filmvervaardiger)
• Beoordelaars: Dora Bouchoucha Fourati (Tunisiese rolprentvervaardiger), Ólafur Elíasson (Yslandse kunstenaar), Maggie Gyllenhaal (Amerikaanse aktrise), Julia Jentsch (Duitse aktrise), Diego Luna (Meksikaanse akteur en regisseur), Wang Quan’an (Sjinese regisseur en draaiboekskrywer)

Die Goue Beer is aan die Hongaarse rolprent Testről és lélekről van die regisseur Ildikó Enyedi toegeken.

Die ander pryswenners (Silwerbere) was:

• Beste regisseur: Aki Kaurismäki (Finland) vir Toivon tuolla puolen
• Groot prys van die jurie: Alain Gomis (Frankryk-Senegal) vir Félicité
• Beste akteur: Georg Friedrich (Helle Nächte)
• Beste aktrise: Kim Min-hee (Bamui Haebyeon-eoseo Honja)
• Beste draaiboek: Sebastián Lelio en Gonzalo Maza vir Una mujer fantástica
• Buitengewone prestasie as kunstenaar: Dana Bunescu vir Ana, mon amour
• Alfred-Bauer-prys: Agnieszka Holland (Pole) vir Pokot
• Prys vir die beste debuut: Estiu 1993 van Carla Simón

• Voorsitter: Tom Tykwer (Duitse regisseur)
• Beoordelaars: Cécile de France (Belgiese aktrise), Chema Prado (Spaanse fotograaf), Adele Romanski (Amerikaanse rolprentprodusent), Ryuichi Sakamoto (Japanese komponis), Stephanie Zacharek (Amerikaanse rolprentkritikus)

Die Goue Beer is aan die Roemeense rolprent Touch Me Not van die regisseur Adina Pintilie toegeken.

Die ander pryswenners (Silwerbere) was:

• Beste regisseur: Wes Anderson (Verenigde State) vir Isle of Dogs
• Groot prys van die jurie: Małgorzata Szumowska (Pole) vir Mug
• Beste akteur: Anthony Bajon (The Prayer)
• Beste aktrise: Ana Brun (The Heiresses)
• Beste draaiboek: Alonso Ruizpalacios en Manuel Alcalá vir Museum
• Buitengewone prestasie as kunstenaar: Elena Okopnaja vir Dowlatof
• Alfred-Bauer-prys: Marcelo Martinessi (Paraguay) vir The Heiresses
• Prys vir die beste debuut: Touch Me Not van Adina Pintilie

• Voorsitter: Juliette Binoche (Franse aktrise)
• Beoordelaars: Justin Chang (Amerikaanse rolprentkritikus), Sandra Müller (Duitse aktrise), Sebastián Lelio (Chileense regisseur), Rajendra Roy (Amerikaanse kurator en outeur), Trudie Styler (Britse aktrise en vervaardiger)

Die Goue Beer is aan die Israeliese rolprent Synonymes van die regisseur Nadav Lapid toegeken.

Die ander pryswenners (Silwerbere) was:

• Beste regisseur: Angela Schanelec (Duitsland) vir Ich war zuhause, aber
• Groot prys van die jurie: François Ozon (Frankryk) vir Grâce à Dieu
• Beste akteur: Wang Jingchun (Di jiu tian chang)
• Beste aktrise: Yong Mei (Di jiu tian chang)
• Beste draaiboek: Maurizio Braucci, Claudio Giovannesi en Roberto Saviano vir La paranza dei bambini
• Buitengewone prestasie as kunstenaar: Rasmus Videbæk vir Ut og stjæle hester
• Alfred-Bauer-prys: Nora Fingscheidt (Duitsland) vir Systemsprenger
• Prys vir die beste debuut: Oray van Mehmet Akif Büyükatalay

• Voorsitter: Jeremy Irons (Britse akteur)
• Beoordelaars: Bérénice Bejo (Argentyns-Franse aktrise), Bettina Brokemper (Duitse rolprentvervaardiger), Annemarie Jacir (Palestynse regisseur), Kenneth Lonergan (Amerikaanse draaiboekskrywer en regisseur), Luca Marinelli (Italiaanse akteur), Kleber Mendonça Filho (Brasiliaanse rolprentkritikus, regisseur en programmeerder)

Die Goue Beer is aan die Iranse rolprent Sheytan vojud nadarad van die regisseur Mohammad Rasulof toegeken.

Die ander pryswenners (Silwerbere) was:

• Beste regisseur: Hong Sang-soo (Suid-Korea) vir Domangchin yeoja (도망친 여자)
• Groot prys van die jurie: Eliza Hittman (VSA) vir Never Rarely Sometimes Always
• Beste akteur: Elio Germano (Volevo nascondermi)
• Beste aktrise: Paula Beer (Undine)
• Beste draaiboek: Damiano en Fabio D’Innocenzo vir Favolacce
• Buitengewone prestasie as kunstenaar: Jürgen Jürges vir DAU. Natasha
• 70ste Berlinale: Benoît Delépine en Gustave Kervern vir Effacer l’historique
• Prys vir die beste debuut: Los conductos van Camilo Restrep

• Beoordelaars: Ildikó Enyedi (Hongaarse regisseuse), Nadav Lapid (Israelse regisseur), Adina Pintilie (Roemeense regisseuse), Mohammad Rasoulof (Iranse regisseur), Gianfranco Rosi (Italiaanse regisseur), Jasmila Žbanić (Bosniese regisseur)

Die Goue Beer is aan die Roemeense rolprent Babardeală cu bucluc sau porno balamuc van die regisseur Radu Jude toegeken.

Die ander pryswenners (Silwerbere) was:

• Beste regisseur: Dénes Nagy (Hongarye) vir Természetes fény
• Groot prys van die jurie: Ryūsuke Hamaguchi (Japan) vir Gūzen to sōzō
• Prys van die jurie: Maria Speth (Duitsland) vir Herr Bachmann und seine Klasse
• Beste aktrise: Maren Eggert (Ich bin dein Mensch)
• Beste ondersteunende rol: Lilla Kizlinger (Rengeteg – mindenhol látlak)
• Beste draaiboek: Hong Sang-soo vir Introduction
• Buitengewone prestasie as kunstenaar: Yibrán Asuad vir Una película de policías

• Voorsitter: M. Night Shyamalan (Amerikaanse regisseur)
• Beoordelaars: Karim Aïnouz (Brasiliaans-Algerynse regisseur), Saïd Ben Saïd (Frans-Tunisiese rolprentvervaardiger), Anne Zohra Berrached (Duitse regisseuse), Tsitsi Dangarembga (Zimbabwiese rolprentvervaardiger en skrywer), Ryūsuke Hamaguchi (Japannese regisseur), Connie Nielsen (Deens-Amerikaanse akteur)

Die Goue Beer is aan die Spaanse rolprent Alcarràs van die regisseuse Carla Simón toegeken.

Die ander pryswenners (Silwerbere) was:

• Beste regisseur: Claire Denis (Frankryk) vir Avec amour et acharnement
• Groot prys van die jurie: Hong Sang-soo (Suid-Korea) vir So-seol-ga-ui Yeong-hwa
• Prys van die jurie: Natalia López Gallardo (Meksiko-Bolivië) vir Robe of Gems
• Beste aktrise: Meltem Kaptan (Rabiye Kurnaz gegen George W. Bush)
• Beste ondersteunende rol: Laura Basuki (Nana)
• Beste draaiboek: Laila Stieler vir Rabiye Kurnaz gegen George W. Bush
• Buitengewone prestasie as kunstenaar: Rithy Panh en Sarit Mang vir Everything Will Be Ok
• Eervolle vermelding: Michael Koch vir Drii Winter

• Voorsitter: Kristen Stewart (Amerikaanse aktrise en rolprentvervaardiger)
• Beoordelaars: Golshifteh Farahani (Irans-Franse aktrise), Valeska Grisebach (Duitse rolprentvervaardiger), Radu Jude (Roemeense rolprentvervaardiger), Francine Maisler (Amerikaanse rolverdelingregisseuse), Carla Simón (Spaanse rolprentvervaardiger), Johnnie To (Chinees-Hongkongse rolprentvervaardiger)

Die Goue Beer is aan die Franse rolprent Sur l’Adamant van die regisseur Nicolas Philibert toegeken.

Die ander pryswenners (Silwerbere) was:

• Beste regisseur: Philippe Garrel (Frankryk) vir Le grand chariot
• Groot prys van die jurie: Christian Petzold (Duitsland) vir Roter Himmel
• Prys van die jurie: João Canijo (Portugal) vir Mal Viver
• Beste aktrise: Sofía Otero (20.000 especies de abejas)
• Beste ondersteunende rol: Thea Ehre (Bis ans Ende der Nacht)
• Beste draaiboek: Angela Schanelec vir Music
• Buitengewone prestasie as kunstenaar: Hélène Louvart vir Disco Boy

• Voorsitter: Lupita Nyong'o (Keniaanse aktrise en rolprentvervaardiger)
• Beoordelaars: Brady Corbet (Amerikaanse akteur en rolprentvervaardiger), Ann Hui (Chinees-Hongkongse rolprentvervaardiger), Christian Petzold (Duitse rolprentvervaardiger), Oksana Saboesjko (Oekraïense skryfster), Albert Serra (Spaanse rolprentvervaardiger), Jasmine Trinca (Italiaanse akteur en rolprentvervaardiger)

Die Goue Beer is aan die Frans-Senegalese-Beninse rolprent Dahomey van die regisseur Mati Diop toegeken.

Die ander pryswenners (Silwerbere) was:

• Beste regisseur: Nelson Carlo de los Santos Arias (Dominikaanse Republiek) vir Pepe
• Groot prys van die jurie: Hong Sang-Soo (Suid-Korea) vir A Traveler’s Needs
• Prys van die jurie: Bruno Dumont (Frankryk) vir L’Empire
• Beste akteur: Sebastian Stan (A Different Man)
• Beste ondersteunende rol: Emily Watson (Small Things Like These)
• Beste draaiboek: Matthias Glasner vir Sterben
• Buitengewone prestasie as kunstenaar: Martin Gschlacht vir Des Teufels Bad

Wikimedia Commons bevat media in verband met Berlinale.

• (de) Die amptelike webwerf van die Berlinale
• (en) IMDb-inskrywing