Austronesiese volke
Lede van die Amis in Taiwan.
Totale bevolking:	Sowat 400 miljoen
Belangrike bevolkings  in:	* Indonesië: 260 581 000 (2016)[1]  Filippyne: 98 500 000  Madagaskar: meer as 20 000 000 (2011)[2]  Maleisië: 14 290 000 (2010)[3]  Verenigde State: 4 816 144[4]  Thailand: 1 900 000[5]  Papoea-Nieu-Guinee: 1 300 000  Oos-Timor: 1 167 242 (2015)[6]  Nieu-Seeland: 855 000 (2006)[7][8]  Broenei: 724 000? (2006)  Singapoer: meer as 700 000[9]  Salomonseilande: 478 000 (2005)  Republiek van China: 480 000 (2006)  Fidji: 456 000 (2005)[10]  Australië: 210 843  Samoa: 193 773 (2015)  Guam: 162 742  Tonga: 105 323  Hawaii: 140 652 of 401 162 (na gelang van definisie)[11]  Suriname: 71 000 (2009)[12]  Noordelike Mariana-eilande: 52 344  Sri Lanka 40 189 (2012)[13]  Chili: 5 682
Taal:	Austronesiese tale
Geloofsoortuiging:	Animisme, Balinese Hindoeïsme, Boeddhisme, Christendom, volgsgodsdienste, Hindoeïsme, Islam, Sjamanisme
Verwante etniese groepe:	-

Die Austronesiese volke is verskeie etniese groepe in Suidoos-Asië, Oseanië en Oos-Afrika wie se tale behoort tot die Austronesiese taalfamilie. Hulle sluit in boorlinge van Taiwan; die meeste van die etniese groepe van die Filippyne, Maleisië, Oos-Timor, Indonesië, Broenei, Kokoseilande, Madagaskar, Mikronesië en Polinesië; asook groepe van Singapoer, Nieu-Seeland (Maori), Hawaii en Melanesië. Kleiner groepe kom ook in vele ander lande voor. Al dié volke kan verbind word met die Austronesiese taalfamilie. Die gebiede wat hulle bewoon, word saam Austronesië genoem.

Argeologiese bewyse dui op ’n tegnologiese verbintenis tussen die landboukulture van die suide (Suidoos-Asië en Melanesië) en die eerste terreine van die vasteland van China wat bekend was. ’n Kombinasie van argeologiese en linguistiese getuienis is al vertolk as ’n bewys van die teorie dat die taalfamilie in die noorde (die Suid-Chinese vasteland en Taiwan) ontstaan het.

Dit is teoreties moontlik dat Austronesiessprekende volke duisend jaar voor die suidelike uitbreiding van die Han-dinastie en Viëtnam teen die kus van Suid-China af beweeg het, verby Taiwan tot so ver as die (Golf van Tonkin). Mettertyd het die verspreiding van ander taalgroepe soos die Austro-Asiatiese en Chinees-Tibettaanse groepe gelei tot die samesmelting van al die proto-Austronesiessprekende bevolkings wat op die vasteland gebly het.^[14]

In ’n onlangse behandeling is alle Austronesiese tale in 10 subfamilies ingedeel, met alle tale buite Taiwan in een groep en die ander nege groepe wat net in Taiwan bekend is.^[15] Daar word geredeneer dat dié patrone die beste verduidelik kan word aan die hand van die verspreiding van ’n landbouvolk uit Taiwan na Suidoos-Asië en Melanesië, en eindelik na die verre Stille Oseaan. Hoewel dié model, wat die "sneltrein na Polinesië" genoem word,^[16][17] rofweg in ooreenstemming is met beskikbare data, is kommer ook daaroor geopper.^[18]

Alternatiewe modelle stel voor die Austronesiese tale het in Melanesië of Suidoos-Asië ontstaan.^{[19][20][21][22]}

• Cristian Capelli; et al. (2001). "A Predominantly Indigenous Paternal Heritage for the Austronesian-Speaking Peoples of Insular Southeast Asia and Oceania" (PDF). American Journal of Human Genetics. 68 (2): 432–443. doi:10.1086/318205. PMC 1235276. PMID 11170891. Geargiveer vanaf die oorspronklike (PDF) op 14 February 2010.
• Books, some online, on Austronesian subjects by the * [http://www.britannica.com/EBchecked/topic/44563/Encyclopedia Encyclopædia Britannica: Austronesian Languages
• Hierdie artikel is vertaal uit die Engelse Wikipedia