Acapulco is 'n vakansie- en hawestad aan die Stille Oseaan in die deelstaat Guerrero, Meksiko. Die stad is ongeveer 300 km (190 myl) suidwes van Meksikostad langs 'n diep, halfronde baai geleë. Skepe tussen Panama en San Francisco stop gereeld hier oor.
Acapulco is 'n Nahuatl woord wat digte riete beteken. Die stad dien sedert die 16de eeu as 'n hawestad. Dit was in die 1950's baie gewild onder die filmsterre van Hollywood en net so gewild soos die Franse Riviera.
Otis
Op 27 Oktober 2023 is die stad getref deur Otis, 'n Pasifiese orkaan van kategorie 5. Daar is 27 mense dood en baie skade. Pasifiese orkane tref gewoonlik nie die kus van Meksiko nie en die stad was nie daarop voorberei nie. Die storm het ook baie vinnig in krag toegeneem.[1]
Eksterne skakels
- ↑ "Hurricane Otis kills at least 27 in devastating blow to Acapulco, Mexico, that tore through high-rises and inundated roads". CNN.
