Wọn bí Ọba Ọtẹ̀níbọ̀tẹ̀mọ́lẹ̀ II ní ìdílé Ọ̀sọ́lọ̀ ti ìdílé ọba Okéwayè, ọkàn nínú àwọn ìdílé ọba mẹ́rin tí ó wà ní Adó-odò. Bàbá rẹ̀ tí ó ti kú, Músílíù Ọlátúnjí Lámídì ti ṣe igbákejì Ọ̀gá-ọlọ́pàá àgbà kí ó tó kú lóṣù kẹrin ọdún 1988, ó jẹ́ ìran Ọba Aṣádé Awòpẹ́ ti Ọtẹ̀níbọ̀tẹ̀mọ́lẹ̀ tó jọba lọ́dún 1884 sí 1913.[2] Ìyá rẹ̀, Alhaja Azeezat Ọmọlọlá Lámídì (ọmọ Agbógunlórí), jẹ́ ènìyàn pàtàkì tí o ti jẹ oyè òtún ìyálọ́jà àti Ọ̀tún Ìyá Àdínnìn ti ilu Adó-odò.
Ìyànsípò àti ìgbà dé rẹ̀
Ní ìgbìyànjú láti yan ọmọ oyè tòótọ́ sípò In a bid to determine the rightful heir to the revered position of Ọlọ́fin Adìmúlà Oòduà, wọ́n yan Ọlọ́fin Olúṣọlá Ọsọ́lọ̀ sáàárín àwọn ọmọ oyè mẹ́rìnlá láti ìdílé oyè ọba Òkèwáyé ti Adó-odò tí àwọn náà lẹ́tọ̀ọ́ sí ìtẹ́ ọba Adó-odò. Kọ́míṣánnà fún Ìjọba-ìbílẹ̀ àti ọ̀rọ̀ nípa oyè jíjẹ ní Ìpínlẹ̀ Ògùn àti àjọṣepọ̀ pẹ̀lú ìjọba-ìbílẹ̀ Adó-odò /Ọ̀tà, ṣe ìdìbò lọ́jọ́ kẹsàn-án oṣù kejì ọdún 2024. Ìdìbò náà jẹ́ èyí tí kò ní èrú tí ó sì tẹ́lẹ̀ ìlànà òfin láìṣẹègbè fún ẹni kankan.[3][4]
Ó borí láàárín gbogbo àwọn akẹgbẹ́ rẹ̀ nígbà tí ó kó ìbò tó pọ̀jù àwọn ẹgbẹ́ rẹ̀ lọ. Bíborí rẹ́ kì í ṣe iyì rẹ̀ nìkan, ṣùgbọ́n ìjẹ́rìí sí ìwà àti gbajúmọ̀ rẹ̀ àti bí ó ti ṣe ti máa ń dá sí ètò ìlú látẹ̀yìnwá. Àti bí ó ṣe mọ̀ nípa àṣà, ìṣe àti bí wọ́n ṣe ń darí ìlú náà l. Ó gbà ọ̀pá-àṣẹ lọ́jọ́ ọgbọ̀n, oṣù kẹta ọdún 2024.[5]
Kọ́míṣánnà Ìpínlẹ̀ Ògùn fún Ìjọba Ìbílẹ̀ àti ọ̀rọ̀ nípa oyè jíjẹ ń fún ọba Olúṣọlá ní ọ̀pá-àṣẹ gẹ́gẹ́ bí ọba Adó-odò
Ìgbésí ayé rẹ̀
Ìyàwó rẹ̀ ni Olorì Taheebat Ọmọtọ́lání Ọsọ́lọ̀, wọ́n bímọ mẹta.
Bákan náà, ó jẹ́ ẹni tí ó fẹ́ràn eré-ìdárayá, pàápàá jù lọ, ó féràn ìdàgbàsókè àwọn ọ̀dọ́. Ó wà lára àwọn agbábọ́ọ̀lù-àfẹ́sẹ̀gbá, kódà, ó wà lára àwọn tó gbá ayò wọlé nígbà tí wọ́n gbá ìdíje aláfẹ́ kan tí wọ́n pè ní Adó-odò Legend, tí àwọn ọ̀dọ́ Adó-odò ṣètò lọ́dún 2023 ní pápá ìṣeré tó dára.[6]
