הרב מאיר וואַקנין (ז' אדר ה'תרמ"ה - כ"ט אדר ב' ה'תשל"ה; 1885–1975) איז געווען דער ספרדישער רב און אב בית דין פון טבריה.
ביאגראפיע
מאיר וואקנין איז געבוירן געווארן אין דער שטאט טבריה אום ז' אדר ה'תרמ"ה (1885) צו רב דוד וואקנין וואס איז געווען אב בית דין און רב פון דער שטאטישער ספרדישער קהילה. אין תרע"ד איז ער געפארן קיין ניו יארק צו זאמלען געלט פאר דער קהילה אין טבריא. צוליב דער ערשטער וועלט-מלחמה איז ער געבליבן דארט זעקס יאר, און געדינט ווי הויפט-רב פון די סירישע יידן.
אין תשי״ג האט מען אים באשטימט ספרדישער רב און אב בית דין אין טבריה.
