אלפרעד היטשקאק
הער אַלפֿרעד יאזעף היטשקאָק (ענגליש: Sir Alfred Joseph Hitchcock) איז געװען אַן ענגלישער רעזשיסאר, װאָס האָט געמאַכט אַ סך מוראדיקע פילמען.
צוזאמען מיט וואלט דיזני, איז היטשקאק געווארן פון די ערשטע פראמינענטע רעזשיסערן וואס האט פאראויס געזען ווי פאפולער דער מעדיום פון טעלעוויזיע וועט ווערן.
לעבנסגעשיכטע
אלפֿרעד היטשקאָק איז געבוירן געווארן אינעם איסט־ענד פון לאנדאן אין יאר 1899 צו קאטוילישע עלטערן וואס האבן געהאלטן א שפייזקראם, און זייער ארעמע וואוינונג איז געווען הינטער דעם קראָם. אין זיין יונגערע יארן האט ער געלערנט אין א יעזואיטישער שולע וואס האט געפירט א שטרענגן דיסציפלין. אין יאר 1913, ווען ער איז געווען אלט 14 יאר, האט ער פארלאזט זיינע פארמעלע שטודיעס און האט אנגעהויבן לערנען אוונט־צייט פארשידענע טעכנישע פאכן, און האט אויסגעוויזן פעהיקייטן אין מאלעריי.
