Miryo
조미혜
Tavalludi	Jo Mi-hye 1981-yil 2-noyabr (1981-11-02) (44 yosh) Janubiy Koreya
Fuqaroligi	Koreya Respublikasi
Kasbi	Repper

Jo Mi-hye (1981-yil 2-noyabrda tugʻilgan), Miryo oʻzining sahna nomi bilan mashhur, janubiy koreyalik reper, qoʻshiq yozuvchi va produser. Hozirda u „Brown Eyed Girls“ qizlar guruhining reperi va „Honey Family“ rep guruhining sobiq aʼzosi. Miryo 2012-yilda „Show Me the Money“ serialining birinchi mavsumida produser sifatida ishtirok etganidan keyin solist sifatida debyut qilgan.

Miryo oʻzining musiqiy faoliyatini 2000-yilda „Honey Family“ hip-hop guruhining qoʻshigʻida ishtirok etganida boshlagan. Keyingi yili u guruhga asosiy ayol reper sifatida qoʻshilgan va ikkinchi albomida ishtirok etgan. Jamoa tarqalib ketganidan soʻng, u boshqa hip-hop sanʼatkorlarining qoʻshiqlarida, jumladan, „Leessang“ guruhidan sobiq guruhdoshi Gil Seong-joon^[1] va MC Mong kabi qoʻshiqlchilarning treklarida ishtirok etgan. Koʻp oʻtmay, Miryo qoʻshiqchi JeAdan „Brown Eyed Girls“ guruhiga qoʻshilish taklifini olgan va taklifni qabul qilgan. U 2006-yil mart oyida „Your Story“ nomli albomi bilan debyut qilgan guruhning reperiga aylangan. „Brown Eyed Girls“ 2009-yilda oʻzlarining mashhur „ Abracadabra“ qoʻshigʻi bilan katta muvaffaqiyatga erishdilar, undan keyin 2011-yilda „Sixth Sense“ qoʻshigʻi ham xuddi shunday mashhurlikka ega boʻlgan.

Miryo 2015-yil iyul oyida oʻzining „Queen“ nomli yakkaxon albomini chiqargan, unda guruhdoshi Ga-In ham ishtirok etgan. Oʻsha yilning sentyabr oyida u va „Brown Eyed Girls“ guruhining boshqa aʼzolari „Nega Network“ agentligini tark etishgan^[2]. Guruh oktyabr oyida „Mystic Entertainment“ bilan shartnoma imzolagan va keyingi oy „Basic“ albomini chiqargan^[3].

Miryo reper boʻlishdan tashqari qoʻshiq ham yozadi. Ayol kumirlari orasida Miryo eng koʻp qoʻshiqlarga mualliflik huquqiga ega boʻlib, 2013-yil martigacha jami 56 ta qoʻshiqqa mualliflik qilgan^[4]. U „Honey Family“ va „Brown Eyed Girls“ guruhining bastakori va yozuvchisi boʻlgan^[5].