Ang Biyetnam ay nahahati sa 59 na mga lalawigan (na kilala sa Biyetnames bilang tinh, mula sa Tsinong 省 shěng). Mayroon ding limang bayan na kontrolado ng pamahalaang sentral na katumbas na antas ng mga lalawigan (thành phố trực thuộc trung ương).

Ang mga lalawigan ng Vietnam, ay kontrolado ng Kagawaran ng mga Tao, na inihahalal ng mga naninirahan doon. Ang Kagawaran ng mga Tao ay nagtatalaga ng isang Kumite ng mga tao, na nagiging pang-ehekutibong sangay ng pamahalaang panlalawigan. Ang ayos na ito ay isang payak na uri ng katayuan ng pambansang pamahalaan ng Vietnam. Ang pamahalaang panlalawigan ay inaasahang sumailalim sa pamahalaang sentral.

Ang bawat Kagawaran ng Tao ay may tumatayong kumite na binubuo ng isang Tagapangasiwa at ng kanyang mga deputies, na inihahalal mula sa mga kinatawan ng Kagawaran. Ang tumatayong kumite ay may karampatang mga tungkulin, kabilang na ang pagkatawan sa Kagawaran ng mga tao kung wala ito sa sesyon. Mayroon din ilang mga kumite ang itinatag upang ayusin ang mga espesipikong mga usapin. Ang lahat ng mga lalawigan ay may isang Kumite sa Ekonomiya at Pagba-badyet, isang Kumiteng Panlipunan at Kultura, at isang Kumiteng Legal. Kung ang isang lalawigan ay may naninirahang hindi katutubong Vietnamese, mayroon din marahil isang Kumite ukol sa Ugnayang Etniko.

Ang Kumite ng mga Tao ay, tulad ng nabanggit kanina, ay ang ehekutibong sangay ng pamahalaang panlalawigan, at may pananagutan sa pagbuo at pagpapatupad ng mga alituntunin. Ito ay maaaring katumbas ng gabinete. Ang Kumute ng mga Tao ay dapat may isang Pangulo at isang Pangalawang Pangulo, at may kasaping nasa pagitan ng siyam at labing isa.

Ang pinakamataong mataas na antas na yunit administratibo ng Vietnam ay ang Lungsod ng Hồ Chi Minh, isa sa limang munisipalidad. Ito ay may lagpas limang milyong katao na naninirahan sa opisyal na hangganan. Ang ikalawang pinakamataong yunit administratibo, at ang pinakamataong lalawigan, ay ang Thanh Hóa, na may lagpas tatlo't kalahating milyong katao. Ang pinakaunti ay ang Lai Châu, isang lalawigang bulubundukin sa isang liblib na lugar sa hilagang kanlura.

Kung ang pag-uusapan ay ang sukat ng lupa, ang pinakamalaking lalawigan ay ang Nghệ An. ANg pinakamaliit naman ay ang lalawigan ng Bắc Ninh.

Kadalasan, ang pamahalaang Vietnamese ay pinapangkat ang mga lalawigan na ito sa walong mga rehiyon: ang Hilagang Kanluran, Hilagang Silangang, Red River Delta, Ang Baybayin ng Gitnang Hilaga, Gitnang Kabundukan, Timog Silangan, at ang Mekong River Delta. Ang mga rehiyon na ito ay hindi kadalasang ginagamit.

Ang Hilagang Kanluran (Tay Bac) ay kinapalolooban ng apat na mga lalawigan sa kanlurang hilagang bahagi ng Vietnam. Ang dalawa dito ay nasa pagitan ng hangganan ng Laos at ang isa naman ay naghahanggan sa Tsina.

Ang Northeast (Dong Bac) ay kinapaloloobanng labing isang mga lalawigan na nasa hilaga ng mataong kapatagan ng Red River. Karamihan sa mga lalawigan nito ay bulubundukin.

Ang Wawa ng Ilog Pula (Dong Bang Song Hong) ay kinapalooban ng maliliit na subalit matataong mga lalawigan na matatagpuan sa palibot ng Ilog Pula. Mayroong siyam na lalawigan sa rehiyon. Kinabibilangan din nito ang pambansang kabisera, Hanoi. at ang munisipalidad ng Haiphong; parehong malaya mula sa mga pamahalaang panlalawigan.

Ang Gitnang Hilagang Baybayin (Bac Trung Bo) ay kinapalolooban ng anim na mga lalawigan sa makipot na hilagang bahagi ng Vietnam. Ang lahat ng mga lalawigan sa rehiyon ay naghahanggan mula sa baybayin sa silanga patungong hangganan ng Laos sa kanluran.

Ang Timog Gitnang Baybayin (Nam Trung Bo) ay kinapalolooban ng gitnang mga baybaying lalawigan sa gitnang timog na bahagi ng Vietnam. Ang bahaging ito ay mas malawak kaysa sa rehiyon ng Gitnang Hilagang Baybayin. Ang rehiyon ay kinapalolooban ng malayang munisipalidad ng Danang.

Ang Gitnang Kabundukan (Tay Nguyen) ay kinapalolooban ng ng limang mga lalawigan sa gitnang timog ng Vietnam. Karamihan sa mga rehiyon dito ay mabundok. Karamihan sa mga naninirahan dito ay mga katutubo.

Ang Timog Silangan (Dong Nam Bo) ay kinapalolooban ng bahaging kapatagan ng Vietnam na nasa hilaga ng Mekong Delta. mayroong pitong lalawigan dito, kasama pa ang mga munisipalidad ng Lungsod ng Ho Chi Minh.

Ang Wawa ng Ilog Mekong (Dong Bang Song Cuu Long) ay ang pinakatimog na rehiyon, na karamihan ay kinapapalooban ng maliliit subalit maraming taong mga lalawigan sa wawa ng Ilog Mekong. Mayroong labindalawang lalawigan dito, kasama pa ang munisipalidad ng Can Tho.

• Vietnam Tourism Naka-arkibo 2010-08-19 sa Wayback Machine.
• Decentralised Government in Vietnam Naka-arkibo 2006-03-05 sa Wayback Machine. (Cardozo Electronic Law Bulletin)