Ang karaoke (Hapon: カラオケ), videoke o bidyoke ay isang uri ng libangan kung saan ang isang baguhan na mang-aawit ang sumasabay sa tugtog ng musika. Mula sa isang sikat na kanta ang musika kung saan ang boses ng orihinal na kumanta ay inalis o hininaan ang lakas. Madalas ding ipinapakita ang liriko, minsan kasama ng pag-iiba-iba ng kulay kasabay ng musika para makatulong sa pag-sing-along.
Naging isang popular na uri ng libangan sa Hapon ang karaoke simula noong mga dekada 1980, at mula noon ay kumalat na rin sa ibang mga bahagi ng daigdig.
