Si Christopher John Hipkins (ipinanganak noong Setyembre 5, 1978) ay isang politiko sa Nuweba Selandiya na nagsisilbi bilang ika-41 na Punong ministro ng Nuweba Selandiya at puno ng Partido ng Paggawa ng Nuweba Selandiya mula 2023. [2][3] Siya ay naging miyembro ng Parlamento (MP) para sa Remutaka mula noong halalang 2008 .
Nagsilbi si Hipkins sa oposisyon bilang tagapagsalita ng edukasyon ng Partidong Paggawa. Sa Ikaanim na Pamahalaang Paggawa, siya ay nagsilbi dati bilang ministro ng edukasyon, pulisya, serbisyo publiko, at pinuno ng Kamara . Siya ay naging isang kilalang tao dulot noong pandemya ng COVID-19 sa Bagong Silandya. Ito ay marahil ginagampanan niya ang tungkulin bilang ministro ng kalusugan mula Hulyo hanggang Nobyembre 2020 at ministro para sa pagtugon sa COVID-19 mula Nobyembre 2020 hanggang Hunyo 2022.
Noong 21 Enero 2023, si Hipkins ang naging nag-iisang kandidato na humalili kay Jacinda Ardern bilang Puno ng Partidong Paggawa pagkatapos niyang ipahayag ang kanyang pagbibitiw. Siya ay naging lider ng partido pagkatapos na mahalal ng walang kalaban-laban noong 22 Enero 2023, at dahil dito ay hinirang siya bilang punong ministro ng gobernador-heneral noong 25 Enero 2023. [4] Inaasahang pangungunahan niya ang Partido Paggawa sa pangkalahatang halalan sa 2023.
Maagang buhay
Si Christopher John Hipkins ay isinilang sa Hutt Valley [5] noong 5 Setyembre 1978. [6][7] Siya ang anak nina Doug at Rosemary Hipkins. [8] Ang kanyang ina ay ang punong mananaliksik para sa Konsehal ng Bagong Silandya para sa Edukasyong Pananaliksik. [9] Nag-aral siya sa Primaryang Paaralan ng Waterloo at Hutt Intermediate School . Siya ay punong batang lalaki (head boy) sa Hutt Valley Memorial College (na kalaunan ay kilala bilang Petone College) noong 1996. [6] Nang maglaon ay nag-aral siya sa Victoriang Unibersidad ng Wellington, [6] kung saan siya ay naging pangulo ng mga mag-aaral noong 2000 at 2001. [10]
Noong Setyembre 1997, bilang isang mag-aaral sa unang taon sa Victoriang Unibersidad ng Wellington, isa si Hipkins sa dose-dosenang inaresto habang nagpoprotesta sa Tertiary Review Green Bill sa Parlamento. Ang usaping ito ay dumaan sa mga korte, at pagkaraan ng 10 taon, isang paghingi ng tawad at parangal na mahigit $200,000 ang ibinahagi sa 41 na nagprotesta. Ang hukom ay nagpasiya na sa kabila ng mga pag-aangkin ng pulisya na ang mga nagpoprotesta ay marahas, ang protesta ay mapayapa at walang mga batayan o mga patunay para sa pag-aresto. [10] Nakatanggap si Hipkins ng Batsilyer sa Sining na may major sa pulitika at kriminolohiya mula sa Victoriang Unibersidad ng Wellington . [11] Pagkatapos ay humawak siya ng maraming trabaho, kabilang ang pagtatrabaho bilang tagapayo sa patakaran para sa Industry Training Federation, at bilang manedyer ng pagsasanay para sa Todd Energy sa Taranaki. Nagtrabaho din si Hipkins sa Parlamento bilang isang tagapayo kina Trevor Mallard at Helen Clark . [12]
.jpg)