PROFILPELAJAR.COM

Chris Evans
Chris Evans
	Evans (2014)
Kapanganakan	Christopher Robert Evans; 13 Hunyo 1981 (edad 43); Sudbury, Massachusetts, Estados Unidos
Trabaho	Actor
Aktibong taon	2000–kasalukuyan

Si Christopher Robert Evans (pinanganak noong 13 Hunyo 1981) ay isang Amerikanong aktor. Siya ay sumikat para sa kanyang pagganap sa mga pelikulang Not Another Teen Movie, Fantastic Four and Fantastic Four: Rise of the Silver Surfer. Siya ay gaganap na pangunahing tauhan sa nalalapit na pelikulang hango sa komiks na may titulong Captain America: The First Avenger.

Kabataan

Si Evans ay pinanganak sa Sudbury, Massachusetts. Siya ay anak nina Lisa (née Capuano) at Bob Evans, isang dentist. Siya ay pamangkin ni US Kongresman Mike Capuano, na siyang kapatid ng kanyang ina. Mayroon siyang dalawang kapatid na babae, sina Carly at Shanna, at isang nakababatang kapatid na lalaki na si Scott. Si Scott ay nabigyan ng pagkakataong lumabas sa isang ABC soap opera na One Life to Live. Si Evans ay may lahing Italyano (galing sa kanyang lolo sa panig ng ina) at Irish at pinalaki bilang isang Katoliko. Nakapagtapos siya sa Lincoln-Sudbury Regional High School sa taong 1999 at nagplanong pumasok sa New York University pagkatapos ng mataas na paaralan.

Karera bilang aktor

Si Evans na nasa Internasyunal na Pestibal ng Pelikula sa Toronto noong 2008

Pagkatapos ng Not Another Teen Movie, si Evans ay nagkaroon ng maraming pang pangunahing pagganap sa The Perfect Score at Cellular. Nagkaroon din siya ng pagkakataong umarte sa mga indie film sa Chicago sa pamamahala ng producer na si David Johnson. Dahil sa mga proyektong ito, nakita ng manonood ang ibang mukha ng pag-arte ni Evans. Sa pelikulang Fierce People, ginampanan niya ang karakter na si Bryce, na nagpapamalas ng nakakagimbal na ugali at mental na kalagayan habang unti-unting dumadaloy ang istorya. Sa pelikulang London, si Evans ay gumanap bilang drug adik na maraming problema sa mga relasyon niya sa ibang tao. Sa taong 2005, napili siya upang gumanap na Human Torch sa isang paghango ng komiks na Fantastic Four. Pinarangalan siyang 'Male Superstar of Tomorrow' sa 2005 Young Hollywood Awards. Ginampanan niya ulit ang karakter na Johnny Storm/The Human Torch sa Fantastic Four: Rise of the Silver Surfer noong 2007. Sa taong iyon din, gumanap siya bilang isang inhinyerong naging astronaut sa isang sci-fi ni Danny Boyle na may titulong Sunshine. Dito rin siya nabigyan ng malaking paghangga bilang isang seryosong actor.

Noong 2008, si Evans ay lumabas sa Street Kings, kasama si Keanu Reeves, at sa The Loss of a Teardrop Diamond, kasama naman sina Bryce Dallas Howard at Ellen Burstyn. Lumabas din siya sa isang sci-fi thriller na may titulong Push kasama sina Dakota Fanning at Camilla Belle noong 2009.Siya mismo ang gumanap sa kanyang mga maaksyong eksena na kinunan ng mahigit isang lingo at nakatamo siya ng mga galos at pasa dahil dito. Lumabas siya sa isang artikulo sa The Advocate para sa kanyang pagganap sa Push.

Noong 2009, Si Evans ay may rangkong ika-474 sa Forbes' "Star Currency" base sa pandaigdigang hakot sa takilya ng kanyang mga pelikula.

Noong 2010, natapos siyang kunan para sa pelikulang Puncture sa Houston, Texas. Ang pelikulang ito ay napili sa ilabas sa 2011 Tribeca Film Festival bilang isang proyekto para sa kanilang ika-10 anibersaryo. Sa taong din na iyon, si Evans ay lumabas din sa The Losers, isang pelikulang hanggo sa Vertigo at DC Comics. Lumabas din siya sa isa pang pelikulang hango sa komiks ang Scott Pilgrim vs. the World, kung saan siya’y gumanap bilang Lucas Lee. Bukod dito, si Evans ay gaganap sa isang sikat na karakters sa Marvel komiks na si Captain America sa nalalapit na Captain America: The First Avenger, The Avengers at sa dalawang kasunod na pelikula ng Captain America.

Sa kasalukuyan, siya ay parte ng kampanya para sa Gucci Guilty at Guilty pour Homme.

Personal na buhay

Nakilala niya ang kanyang dating kasintahang si Jessica Biel noong 2001 dahil sa parehong kaibigan. Nagkasama din silang dalawa sa pelikula noong 2004 na may titulong Cellular at noong 2005 sa pelikulang London. Nagkahiwalay sila noong Hunyo ng taong 2006. Ang kanyang kapatid na isa ring actor, si Scott Evans, ay lumantad na isang bading. Pinahiwatig ni Chris ang kanyang suporta sa desisyon ng kapatid maging sa mga miyembro ng 3rd sex sa isang interview noong 2009 para sa The Advocate.

Buhay-pelikula

Taon	Titulo	gumanap bilang	Tala
2000	Newcomers, TheThe Newcomers	Judd
2000	Opposite Sex	Cary Baston	8 kabanata, pangunahing aktor
2000	Fugitive, TheThe Fugitive	Zack Lander	Kabanata: "Guilt"
2001	Boston Public	Neil Mavromates
2001	Not Another Teen Movie	Jake Wyler
2002	Eastwick	Adam	Pelikula sa telebisyon
2003	Paper Boy, TheThe Paper Boy	Ben Thomas	Maikling pelikula
2003	Skin	Brian	Kabanata: "Pilot"
2004	Perfect Score, TheThe Perfect Score	Kyle
2004	Cellular	Ryan
2005	Fierce People	Bryce Langley
2005	Fantastic Four	Johnny Storm / Human Torch	Nominado — MTV Movie Award for Best On-Screen Team
2005	London	Syd
2007	TMNT	Casey Jones	Boses
2007	Sunshine	Mace
2007	Fantastic Four: Rise of the Silver Surfer	Johnny Storm / Human Torch	Nominado — Teen Choice Award for Choice Movie Actor: Action Adventure Nominated — Teen Choice Award for Choice Movie: Rumble
2007	Nanny Diaries, TheThe Nanny Diaries	Hayden aka "Harvard Hottie"
2007	Battle for Terra	Stewart Stanton	Boses
2008	Street Kings	Detective Paul Diskant
2008	Loss of a Teardrop Diamond, TheThe Loss of a Teardrop Diamond	Jimmy Dobyne
2008	Robot Chicken	Gobo Fraggle / Human Torch / Teacher / Pilot (voice)
2009	Push	Nick Gant
2010	Losers, TheThe Losers	Jake Jensen
2010	Scott Pilgrim vs. the World	Lucas Lee
2011	Puncture	Mark Weiss
2011	Captain America: The First Avenger	Steven "Steve" Rogers / Captain America
2011	What's Your Number?	Colin Shea
2012	Avengers, TheThe Avengers	Steven "Steve" Rogers / Captain America