Lokasyon ng Catania sa Kamalian ng Lua na sa Module:Location_map na nasa linyang 59: Unable to find the specified location map definition. Neither "Module:Location map/data/Sicily#Italy#Europe" nor "Template:Location map Sicily#Italy#Europe" exists.
Sa pagkakaroon nito ng populasyon na 306 000 (750 000 sa kalakhan) ang Catania ang may ikalawang pinakamataas na kapal ng populasyon sa pulo. Ang patrono ng lungsod ay si Santa Agata. Matatagpuan ang Catania sa silangang baybayin ng pulo, sa kalagitnaan ng Messina at Siracusa, at sa kapaanan ng buhay na bulkan ng Bundok Etna.
Heograpiyang pisikal
Gaya ng naobserbahan ni Estrabon, ang lokasyon ng Catania sa paanan ng Bundok Etna ay parehong isang sumpa at isang pagpapala. Sa isang banda, ang marahas na pagsabog ng bulkan sa buong kasaysayan ay sumira sa malaking bahagi ng lungsod, habang sa kabilang panig ang mga abo ng bulkan ay nagbubunga ng matabang lupa, lalo na nababagay para sa paglago ng mga baging. (Strab. vi. p. 269)
Dalawang subteraneong ilog ang tumatakbo sa ilalim ng lungsod; ang Amenano, na lumalabas sa isang punto sa timog ng Piazza Duomo, at ang Longane (o Lognina).[3]
Demograpiko
Noong Enero 2015, mayroong 315,601 katao ang naninirahan sa Catania, kung saan 47.2% ay lalaki at 52.8% ay babae. Ang mga menor de edad (mga taong wala pang 18 taong gulang) ay may kabuuang 20.50 porsiyento ng populasyon kumpara sa mga pensiyonado na may bilang na 18.87 porsiyento. Kumpara ito sa katamtamang Italyano na 18.06 porsiyento (mga menor de edad) at 19.94 porsiyento (mga pensiyonado).
