Miss Thailand 2020 (Top 16) Miss Universe Thailand 2022 (Nagwagi) Miss Universe 2022 (Walang pagkakalagay) (Social Impact Award)
Si Anna Sueangam-iam ( Thai: แอนนา เสืองามเอี่ยม , RTGS : Aenna Suea-ngam-iam, binibigkas [ʔɛ̄(ː)n.nāː sɯ̌a̯.ŋāːm.ʔìa̯m] ; ipinanganak noong 10 Nobyembre 1998) ay isang Taylandesang aktres at titulado sa patimpalak ng kagandahan na kinoronahan bilang Miss Universe Thailand 2022.[1] Si Sueangam-iam ang kumatawan sa bansang Taylandiya sa Miss Universe 2022, kung saan wala itong pagkakalagay.[2]
Buhay at pag-aaral
Ipinanganak si Sueangam-iam noong 10 Nobyembre 1998 sa Bangkok, Taylandiya. Noong siya'y bata pa, nagtatrabaho ang kaniyang mga magulang bilang mga basurero para sa Bangkok Metropolitan Administration sa Bangkok.[3][4] Dahil sa paghihirap ng kaniyang mga magulang, nanatili siya sa kanyang lola sa tuhod na isang madreng budista hanggang sa makatapos siya ng kolehiyo.[5] Nagtapos si Sueangam-iam na may first-class honor (gintong medalya) mula sa Faculty of Liberal Arts and Science sa Pamantasang Kasetsart.[6][7][8] Si Sueangam-iam ay sangkapat na Aleman.
Mga paligsahan ng kagandahan
Miss Thailand 2020
Dati nang lumahok si Sueangam-iam sa Miss Thailand 2020 pageant sa Chiang Mai International Convention and Exhibition Center sa Chiang Mai kung saan siya ay nakapasok sa Top 16.[9][10]
Miss Universe Thailand 2022
Pagkatapos lumahok sa Miss Thailand 2020, kasunod na lumahok si Sueangam-iam sa Miss Universe Thailand 2022 na ginanap noong 30 Hulyo 2022 sa True Icon Hall sa Bangkok. Iginawad kay Sueangam-iam ang mga parangal na Miss Metaverse By Bitkub, Miss Photogenic, at Miss Smart Life By True 5 G. Mula sa dalawampu't-siyam na kalahok, napabilang siya sa labinlimang mga semi-finalist sumabak sa swimsuit competition at sa labing-isang mga semi-finalist sumabak sa evening gown competition.
Pagkatapos ng evening gown competition, napabilang si Sandhu bilang isa sa limang pinalista na kakalahok sa question and answer round. Itinanong sa kanya: "If you were to choose to donate by putting money in a donation box and you could only choose one box, which would you choose: Health, Education or the Environment and why?", kung saan ipinarating niya sa Taylandes na isinalin sa Ingles:[11]
"Anna would like to say that you are not the only one who has been discouraged. Anna is one of them. But Anna would like everyone to learn that we can learn to adapt. We fall down, we can rise up. So no matter what situation you are facing, believe in yourself. Anna can do it. Everyone can do it."
Pagkatapos ng komeptisyon, kinoronahan ni Miss Universe Thailand 2021 Anchilee Scott-Kemmis si Sueangam-iam bilang Miss Universe Thailand 2022.[12][13]
Miss Universe 2022
Bilang Miss Universe Thailand 2022, si Sueangam-iam ang kumatawan sa Taylandiya sa Miss Universe 2022. Nabigo itong magkaroon ng pagkakalagay.[14] Bagama't nabigong makapasok bilang isa sa labing-anim na semi-finalist, pinarangalan si Sueangam-iam ng Social Impact Award.[14]
.png)