Tutuwuhan siki atawa spermatophyta (Yunani, sperma=siki, phyton=tutuwuhan) nyaéta anggota plantae sajati nu ngahasilkeun siki piekun réproduksina (kormofita sikian) sedengkeun alat réproduksina katingali jelas antukna disebut salaku phanerogamae.[1] Spermatophyta diwangun ku sagala tutuwuhan boga pembuluh nu réproduksi sacara generatif ku cara ngabentuk siki.[1] Di jero siki(seed) aya calon individu anyar (émbrio sporofit atawa lembaga) sarta cadangan dahareun (endosperma) nu kabungkus ku lapisan panghalang.[1]
Babagian Spermatophyta
Tutuwuhan siki biasana dikelompokeun jadi dua nyaéta gymnospermae atawa gymnosperma jeung angiospermae atawa angiosperma.[2] Kecap angiospermae jeung gymnospermae miboga asal kecap tina basa Yunani, nyaéta angio nu hartina kapal atwa kotak; gymno hartina buligir; jeung sperma nu hartina binih, cai mani, atawa sél-sér réproduksi lalaki.[2]
