Surah Al-Bayyinah

al bayyinah
البينة
Informasi
Harti Katerangan nu tétéla
Golongan Madaniyah
Surah ka 98
Juz Juz 30
Statistik
Jumlah ruku' 1 ruku'
Jumlah ayat 8 ayat

Surah Al bayyinah (basa Arab:البينة, "Katerangan nu tétéla") nyaéta surah ka-98 dina al Qur'an. Surah ieu diwangun ku 8 ayat, kaasup golongan surah-surah Madaniyah, diturunkeun sanggeus surah At Talaq. Dingaranan Al Bayyinah (Katerangan nu tétéla) dicokot tina kecap-kecap "al bayyinah" anu aya dina ayat kahiji surat ieu.

Poko-poko eusi

Pernyataan ti ahli Kitab sarta jalma-jalma musyrik yén maranéhanana baris tetep dina agamana masing-masing nepi ka datangna nabi anu geus dijangjikan ku Pangéran. Sanggeus Nabi Muhammad s.a.w. datang, maranéhanana ka lebah dua, aya anu beriman sarta aya anu henteu, padahal nabi anu datang éta sipat-sipatna luyu jeung sipat-sipat anu dipikanyaho ku maranéhanana dina kitab-kitab maranéhanana sarta mawa ajaran anu bener nyaéta ihlas dina ibadah, ngadegkeun solat, ngalakonan zakat.

Dina surat ieu Alloh ngajelaskeun yén ajaran Muhammad s.a.w. nyaéta ajaran anu bener sarta ageman anu dibawana nyaéta ageman anu lempeng anu ngawengku poko-poko ajaran anu dibawa nabi-nabi anu baheula.

Eusi jeung Tarjamah

Ayat ka Tulisan Arab Tarjamah basa Sunda
1.
لَمۡ يَكُنِ ٱلَّذِينَ كَفَرُواْ مِنۡ أَهۡلِ ٱلۡكِتَـٰبِ وَٱلۡمُشۡرِكِينَ مُنفَكِّينَ حَتَّىٰ تَأۡتِيَہُمُ ٱلۡبَيِّنَةُ
 Jalma-jalma kapir ti ahli kitab katut musrikin moal paburincay (ninggalkeun kakupuranana jeung kamusrikanana) nepi ka datang ka maranéhanana katerangan nu tétéla.
2.
رَسُولٌ۬ مِّنَ ٱللَّهِ يَتۡلُواْ صُحُفً۬ا مُّطَهَّرَةً۬
Rosul Alloh nu mangmacakeun lambaran-lambaran suci.
3.
فِيہَا كُتُبٌ۬ قَيِّمَةٌ۬
Anu dina eusina kaunggel aturan-aturan nu bener tur lempeng.
4.
وَمَا تَفَرَّقَ ٱلَّذِينَ أُوتُواْ ٱلۡكِتَـٰبَ إِلَّا مِنۢ بَعۡدِ مَا جَآءَتۡہُمُ ٱلۡبَيِّنَةُ
Jeung jalma-jalma ahli kitab henteu paburincay, kajaba sabada datang ka maranéhanana katerangan anu tétéla.
5.
وَمَآ أُمِرُوٓاْ إِلَّا لِيَعۡبُدُواْ ٱللَّهَ مُخۡلِصِينَ لَهُ ٱلدِّينَ حُنَفَآءَ وَيُقِيمُواْ ٱلصَّلَوٰةَ وَيُؤۡتُواْ ٱلزَّكَوٰةَ‌ۚ وَذَٲلِكَ دِينُ ٱلۡقَيِّمَةِ
 Padahal maranéhanana teu ditimbalan, salian ti supaya aribadah ka Alloh, kalawan ngaihlaskeun agama karana Anjeunna, jeung nyingkahan lampah sasar, sarta ngadegkeun solat, nyumponan jakat, sabab éta téh agama anu lempeng.
6.
إِنَّ ٱلَّذِينَ كَفَرُواْ مِنۡ أَهۡلِ ٱلۡكِتَـٰبِ وَٱلۡمُشۡرِكِينَ فِى نَارِ جَهَنَّمَ خَـٰلِدِينَ فِيہَآ‌ۚ أُوْلَـٰٓٮِٕكَ هُمۡ شَرُّ ٱلۡبَرِيَّةِ
 Saéstuna jalma-jalma nu karupur ti ahli kitab jeung musrikin téh (perenahna) dina jero naraka Jahanam, turta maranéhna téh mahluk anu pangjahatna.
7.
إِنَّ ٱلَّذِينَ ءَامَنُواْ وَعَمِلُواْ ٱلصَّـٰلِحَـٰتِ أُوْلَـٰٓٮِٕكَ هُمۡ خَيۡرُ ٱلۡبَرِيَّةِ
 Saéstuna jalma-jalma anu ariman, turta ngalampahkeun amal soléh, maranéhna téh mahluk anu panghadé-hadéna.
8.
جَزَآؤُهُمۡ عِندَ رَبِّہِمۡ جَنَّـٰتُ عَدۡنٍ۬ تَجۡرِى مِن تَحۡتِہَا ٱلۡأَنۡہَـٰرُ خَـٰلِدِينَ فِيہَآ أَبَدً۬ا‌ۖ رَّضِىَ ٱللَّهُ عَنۡہُمۡ وَرَضُواْ عَنۡهُ‌ۚ ذَٲلِكَ لِمَنۡ خَشِىَ رَبَّهُ
Ganjaran maranéhna ti Pangéranna téh sawarga Adnin, anu di handapna cur-cor walungan; maranéhna bakal langgeng di dinyana salawasna; Alloh rido ka Anjeunna; éta téh pikeun jalma anu wedi ku Pangéranna.

Tumbu ka luar

Wikisource logo
Wikisource logo
Wikipabukon mibanda média séjénna nu patali jeung artikel ieu dina kaca
Surat sateuacanna:
Al Qodar 		Surat 98 Surat saparantosna:
Az Zalzalah
Al Qur'an

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Kotak ieu: tempo • sawala • édit