Stasion Notog (NTG) nyaéta stasion karéta api kelas III/leutik anu perenahna di Gambarsari, Kebasén, Banyumas. Stasion anu aya dina tingkat kaluhuran +25 m ieu kaasup ka Daérah Operasi V Purwokerto. Stasion ieu miboga opat jalur kalawan jalur 2 jeung 3 minangka jalur lurus.
Di antara stasion ieu jeung Stasion Kebasén, aya Torowongan Kebasén jeung Torowongan Notog anu séwang-séwang panjangna 260 jeung 79 méter. Di jalur ieu ogé aya sasak anu ngaliwatan walungan panggedéna di Jawa Tengah, nyaéta Walungan Cisarayu.
Kalawan dioperasikeunna jalur ganda Purwokerto-Kroya per 28 Januari 2019[3][4] bareng jeung bérésna pangwangunan Terowongan Notog nu anyar, otomatis jalur sarta torowongan heubeul anu perenahna pagigir-gigir jeung Bendung Gerak Walungan Cisarayu ditutup sarta dijadikeun cagar budaya.[5]
Sabada diwangunna jalur ganda di lintas Purwokerto-Kroya,[6] tata letak stasiun ieu dirobah, anu matak kiwari stasion ieu miboga opat jalur karéta api kalawan jalur 2 jeung 3 minangka sepur lurus. Euweuh karéta api anu eureun di stasion ieu, iwal ti mun aya pasusulan antar karéta api.
Tingali ogé
Karéta api
Rujukan
Tumbu kaluar
(id) Situs Resmi PT Kereta Api Indonesia Archived 2019-06-20 di Wayback Machine
Koordinat: 7°29′10″S 109°12′48″E / 7.4860185°S 109.2133968°E / -7.4860185; 109.2133968