Radiohead

Personil radiohead (ti kénca ka katuhu): Thom Yorke, Jonny Greenwood, Colin Greenwood, Ed O'Brien and Phil Selway

Radiohéad nyaéta grup musik rock alternatip asal Inggris kalayan personil Thom Yorke (vokal, gitar ritem, piano), Jonny Greenwood (gitar mélodi, keyboard), Ed O'Brien (gitar, vokal, perkusi), Colin Greenwood (bassis, synthesizer) jeung Phil Selway (drum, perkusi)[1]. Radiohéad dibentuk di Abingdon, Oxfordshire, Inggris taun 1986[1].

Sajarah

Thom Yorke, anu ngamimitian naratas grup musik Radiohéad. Awalna, Thom maén di grup musik TNT, terus ngajakan Cholin sangkan ngilu jeung manéhna jeung O'Brien pikeun nyieun grup musik anyar[2]. Teu lila ti harita Phil asup jadi drummer. Adina Colin, Johny Greenwood sok ngaganggu latihan terus ménta sangkan bisa ngilu dina band[2]. Awalna Johnny jadi pamaén harmonika, terus keyboardis, anu ahirna jadi gitaris[2]. Awalna ieu grup musik dingaranan On a Friday (poé jum'at) sabab sok latihan poé Jum'at. Debut pertamana dimulai di Yerikho Tavern taun 1987[2]. Teu lila ti harita On a Friday ngajieun kontrak jeung EMI terus ngaganti ngaran grup musikna jadi Radiohéad[2].

Single pertamana nyaéta Creep anu dirilis taun 1992 nu diasupkeun dina album Pablo Honey sataun sanggeusna[3]. Disusul ku album The Bends taun 1995[3]. Album OK Computer dirilis taun 1997, terus album Kid A taun 2000[3]. Sataun sanggeus album Kid A dirilis, giliran album Amnesiac anu dirilis[3]. Taun 2003, album Hail to the Thief dirilis. Taun 2007, album In Rainbow dirilis[3]. 2011 awal, album The King of Limbs dirilis. Husus album in rainbow jeung The King of Limbs, dirilis sacara digital (download saacan dirilis dina bentuk konkrét[3].

Diskografi

Référénsi

  1. ↑ a b Radiohead-Kapanlagi.com (diaksés tanggal 25 Oktober 2011)
  2. ↑ a b c d e Radiohead Biography Archived 2011-11-01 di Wayback Machine (diaksés tanggal 25 Oktober 2011)
  3. ↑ a b c d e f (en)Radiohead's Discography (diaksés tanggal 25 Oktober 2011)


Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.