Ki kacang

Ki kacang
Strombosia ceylanica
Klasifikasi ilmiah
Karajaan:
Plantae
(unranked):
Angiosperms
(unranked):
Eudicots
(unranked):
Core eudicots
Ordo:
Santalales
Kulawarga:
Olacaceae
Génus:
Strombosia

Species

Strombosia javanica Blume

Ki kacang; wuwusu (id) ; Strombosia javanica Blume nyaéta hiji tutuwuhan anu asalna tina kulawarga Olacaceae. [1][2]

Ciri mandiri

Tangkalna lempeng ajeg kaluhur, jangkungna bisa nepika 33 méter malahan aya anu nepika 40 méter kalawan buleudan tangkalna 82-100 céntimeter. Daunna salambar bijil sapasang kénca katuhu, urat daunna katembong ngajarendul di handapeun daun. Daun palebah luhur herang henteu buluan. Kembangna leutik, biseksual, ukuranna leutik kurang leuwih 8 mm kelirna bodas-konéng, bijil tina sela-sela cupat daun jeung dahan (palebah kélék daun). Buahna panjang 18 mm , kelirna héjo mibanda siki.[2][1][3]


Ékologi Jeung Sebaran

Loba kapanggih hirup di leuweung anu perenahna 600 m tonggoheun beungeut cai laut (taltitude). Remen katempo hirup di lamping pasir atawa tonggong pasir, sakapeung ogé hirup di dadatar anu negrak. Bisa hirup kalawan subur dina taneuh anu mibanda keusik, sanaja bisa hirup ogé dina taneuh tela. Dileuweung sekunder, ilaharna jarang kapanggih hirup kajaba hiji atawa dua tangkal éta ogé sesa anu henteu diruksak.[2] Ki kacang lobana kapanggih hirup di leuweung hujan anu tara kahalodoan, perenahna henteu pati luhur atawa landeuh ti 800 méter.[1] Ieu tangkal loba kapanggih hirup di wewengkon Thailand, Semenanjung Malaysia, Sumatra, Jawa, Borneo (throughout the island).[2]

Kagunaan

Sanajan teu pati kuat, kaina bisa dimangpaatkeun pikeun bahan wangunan jeung suluh. Daun ngorana ogé bisa dimangpaatkeun pikeun sayur. (mibanda rasa kawas 'kacang') [2]

Ngaran séjén

Ki kacang mibanda ngaran daérah masing-masing, kayaning : Bornéo: ‘’Kacang’’, ‘’Kayu kacang’’, ‘’Mahalatta’’, Mangkudur, Tungang, Entelung (Sumatra ).[2] Di nagara sejenna Ki kacang disebutna : Banatha (Myanmar ); Belian landak (Malaysia ); Dedali badak (Malaysia); Bayan (Malaysia); Belian landak (Sarawak); Petaling gajah (Malaysia); Kamap (Malaysia). [1]


Dicutat tina

  1. ↑ a b c d "Dedali". Tropicaltimber. 2021-04-12. Diakses tanggal 2021-12. 
  2. ↑ a b c d e f "Strombosia javanica Blume". Asia Plant. 2021-04-12. Diakses tanggal 2021-12. 
  3. ↑ "Strombosia". Plats of the wold online. 2021-04-12. Diakses tanggal 2021-12. 
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.