Cangkok nyaéta salah sahiji cara pikeun ngembangbiakeun tutuwuhan ku cara melak babagian catang na nu diusahakeun akaran heula, saméméh diteukteuk tuluy dipelak dina taneuh.[1][2] Tuwuhan nu bisa dicangkok ngan ukur tutuwuhan dikotil jeung tuwuhan biji terbuka.[2]
Cara ngembangbiakeun ku cara nyangkok kawilang hadé, komo saupama dipaké pikeun bungbuahan.[2] Rasa jeung wangun buah nu dihasilkeun ku cara dicangkok mah biasana bakal sarua percis jeung indukna, béda jeung lamun dipelakna ku cara melak kawas biasana, nyaéta melak maké sikina.[2]
Pakakas nu Dipaké
Aya sababaraha pakakas anu kudu aya saupama urang édék nyangkok,[3] nyaéta:
Péso nu teu tihiangan
Taneuh hideung nu gembur
Plastik atawa tapas kalapa
Tali pelastik
Cai sacukupna
Ragaji
Léngkah-léngkah Nyangkok Tuwuhan
Dina nyangkok tuwuhan téh aya sababaraha léngkah nu kudu dilakonan sangkan hasilna bisa hadé kawas nu dipikahayang,[3] nyaéta:
Pilih catang tangkal nu geus kolot/ boga kambium (rambutan, jambu, buah, kadongdong,jsté) miboga diaméter kira-kira 2 cm. [rujukan?]
Keureut babagian kulit catang kira-kira 10 cm, satuluyna antepkeun salila 10-15 menit atawa nepi ka getahna garing.[rujukan?]
Sanggeus garing, campurkeun taneuh jeung cai sacukupna, tuluy diaduk nepi ka rata baseuhna (Tong baseuh teuing).[rujukan?]
Kemudian tanah tersbut ditempelkan ke batang yang telah di kerat kulitnya dan dibungkus menggunakan plastik atau sabut kelapa.[rujukan?]
Saméméh nalian pelastik atawa tapas kalapa, pastikeun catang tangkal nu geus disisit katutupan ku taneuh, sangkan catangna teu kakurangan cai.[rujukan?] Satuluyna antepkeun salila 3-4 bulan, sarta sébor 3x saminggu.[rujukan?]
Sanggeus 3-4 bulan, akar cangkokan bakal jadi, keureut ti belah handap cangkokan maké ragaji. [rujukan?]
Keureut catang-catang laleutik jeung daun, ku sabab bakal mangaruhan jeung bakal ngakibatkeun gerakan nu ngabalukarkeun sababaraha akar na paregat.[rujukan?]
Buka bungkus cangkokan, kudu ati-ati sangkan akarna teu ruksak.[rujukan?]
Tuluy pelak heula dina polybag nepi ka catang jeung daun-daun anyarna jaradi.[rujukan?]
Sanggeus catang jeung daun anyar jadi, cangkokan geus siap dipelak langsung dina taneuh.[rujukan?]
Rujukan
↑Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
