Mario Merz (nassù a Milan al 1m ëd gené dël 1925, mòrt a Milan ai 9 ëd novèmber dël 2003) a l'é stàit n'artista italian, un-a dle figure pi amportante dl' Art pòvra.

A l'é chërsù a Turin, andoa a l'ha frequentà ël Licé Clàssich e peui la Facoltà ëd Medzin-a për doi agn . Dël 1945 a l'é stàit arestà për soa atività ant ël moviment antifassista "Giustissia e Libertà" e përzoné a le "Carceri Nuove" ëd Turin . A l'ha marià l'artista Marisa Merz dël 1959 .

Merz a l'é conossù për soe istalassion ch'a deuvro dij materiaj pòver (véder, tèra, branch, plàstica, neon) . Sò tema prinsipal a l'é la relassion antra natura e tecnologìa. A l'ha dovrà ël nùmer ëd Fibonacci (1,1,2,3,5,8,13...) com fil condutor ëd soa art . Euvre famose:

• Igloo (serie d'igloo con dë struture, tèra, branch) - a parte dal 1968
• Fibonacci Sequence (sequense ëd nùmer an neon) - a parte dal 1970
• Impermeabile (1967)
• Igloo di Giap (1968) - Centre Pompidou, Paris
• Che fare? (1969)
• Accelerazione = Sogno (1972-1986) - Solomon R. Guggenheim Museum, New York
• Il volo dei numeri - sequenza ëd Fibonacci an sla cùpola dla Mole Antonelian-a ëd Turin

A l'ha vagnà ël Premi Arnold Bode (Kassel, 1981) , ël Premi Oskar Kokoschka (Vienna, 1983) , ël Praemium Imperiale (Tokyo, 2003) . A l'ha partecipà a Documenta (Kassel) dël 1972, 1982 e 1992 , e a la Biennal ëd Venessia dël 1976, 1978, 1986 e 1997 .

Soe euvre as treuvo ant ij pì important musé dël mond: Centre Pompidou (Paris), MoMA (New York), Tate Modern (Londra), Guggenheim Museum (New York), Castel ëd Rìvoli, GAM ëd Turin . A l'é stàit un dij pì grand artista dël Neuv-sent.