Un sindikato, federashon sindikal of asosiashon di trahadónan ta un organisashon ku ta representa e interesnan individual i kolektivo di trahadónan ku ta miembro. E prome sindikatonan a nase den e era di e Revolushon Industrial; formando e base pa sosialismo.
Derecho di e trahadó
Trahadónan por organisa nan mes pa ku nan derecho pa organisá i sali pa nan derecho i kondishonnan di trabou. E derecho aki ta internashonalmente rekonosé dor di ILO den Konvenshon number 87, igual ku artíkulo 11 di e tratado “Protekshon di Derechonan Humano i Libertatnan Fundamental”, mihó konosí komo “Tratado di Roma”. E derecho aki ta ankrá tambe den artíkulo 5 di e “Tratado Sosial Oropeo”. Tantu Aruba, Kòrsou i Sint Maarten (antes Antias Hulandes) komo Hulanda a ratifiká e Konvenshon di ILO komo tambe e Tratado di Roma rekonosiendo asina e derecho di organisashon di e trahadó.
Na momentu ku gobièrnu aprobá e statuto di e sindikato, e personalidat hurídiko ta drenta na vigor konforme artíkulo 1667 (bieu) di e Kódigo Sivilantiano y e Kodigo Sivil di Aruba. E sindikato na e momentu ei por negoshá i firma un kontrato kolektivo di trabou pa su miembronan.