For the municipality, see Sergio Osmeña Sr., Zamboanga del Norte

Y Sergio Osmeña (Septiembri 9, 1878—Octubri 19, 1961) metung yang abogádung Sebuánu at ing pangaduang Pamuntuk ning Commonwealth of the Philippines. Iyang Pangaduang Pamuntuk lalam nang Manuel L. Quezon, at iyang menalili inyang mate ya y Quezon inyang 1944. Iyang menatag king Nacionalista Party.

Y Osmeña sapni de ring sikat a pamilya Osmeña , at ing kayang anak y (Senador Sergio Osmeña Jr.) at ding apu na di (Senadores Sergio Osmeña III at John Osmeña).

Metung yang Chinese-mestizo y Osmeña, at mibait ya king Cebu kang Juana Osmeña y Suico. Megaral ya para king mababang pamagaral king University of San Carlos at meyari inyang 1892. Y Osmeña sindu ne ing kayang pamagaral king Menila, megaral ya king San Juan de Letran College nung nu ne ikit y Manuel L. Quezon, a kaklasi na. Kinanwa yang panga-abugasya king University of Santo Tomas at pangadua yang pekamatas keng bar examination inyang 1903.

Y Osmeña migsilbi ya lalam nang General Emilio Aguinaldo bilang tutuburan at talasulat. Inyang 1900 tetag ne ing Cebu newspaper, El Nuevo Dia a miglambat atlung banua.

Y Osmeña abugadu ya at manibala keng diariu bayu ya linub keng politiku. Megumpisa bilang konsehal.

Inyang 1904, Ing Americanung meniakup a manungkulan, tilduan ne bilang gobernador ning Cebu. Kalabas ning aduang banua meyalal yang gobernador ning Cebu. Kabang gobernador ya , tinagal ya keng mumunang Philippine Assembly ning 1907 at meyalal ya bilang talapagaslita nitang aniban. Y Osmeña 29 ya mu at iyang peka-anak at metung yang Filipinu a pekamatas diling katungkulan.

Iya ampong metung pang politikung pangprobinsiya, Manuel Quezon ning Tayabas, tetag de ing Nacionalista Party para panlaban king Partido Federalista politikung makabasi Menila. Ding aduang partidu ilang mitunggali keng politiku manibat kanita.

Y Osmeña meyalal ya bilang assemblyman inyang 1907 at menatili yang kayanib ning mababang kapulungan anggang 1922. Iyang meging pangaduang pamuntuk a mituki-tuki lalam ning Philippine Commonwealth.

Minta ya king US inyang 1933 para apapasar ne ing Hare-Hawes-Cutting Independence Bill a menalili king Tydings-McDuffie Act inyang Marsu 1934.

Y Osmeña meyalal ya bilang pangaduang pamuntuk ning Commonwealth inyang 1935, kambe nang Quezon bilang pamuntuk. Meyalal yang pasibayu inyang 1941. Inyang ing gubiernung Commonwealth linipat de king US a makalaut, Y Osmeña tinuki ya kang Quezon.

Y Osmeña meging yang pamuntuk ning Commonwealth inyang mate ya y Quezon inyang 1944. Mibalik ya Filipinas kayagnan neng banua mibalik y General Douglas MacArthur at ding kayang kawal a mamie timawa. Kaibat ning guerra, Y Osmeña binalik ne ing gubiernung Commonwealth at ding kayang Kabineti. Sindu na ing laban para king panga-timawa ning Filipinas.

Inyang alalan para pamuntuk inyang 1946, Y Osmeña e mebisang mangampanya, sasabian na na reng Filipinu balu de ing makatala na 40 banua yang mailinis at tapat king kayang pamanungkulan. Makanyanman, mesambut ya kang Manuel Roxas, a menyabut a 54 porcientu kareng botu a meging mumunang pamuntuk ning timawang Republika ning Filipinas

Kaibat ning kayang pangasambut king alalan, Y Osmeña meg-retiru ya king kayang bale king Cebu. Mete ya inyang October 19, 1961, king Veteran's Memorial Hospital king Quezon City. Mikutkut ya king North Cemetery king Menila.

• The Philippine Presidency Project
• Biography
• http://www.geocities.com/philippinepresidents/osmena.htm

Ding Presidenti ning Kapuluan Filipinas
Aguinaldo | Quezon | Osmeña | Laurel | Roxas | Quirino | Magsaysay     Garcia | Macapagal | Marcos | C. Aquino | Ramos | Estrada | Arroyo | B. Aquino