ZAR
Ing Mauling Aprika, a maki opisyal a titulung Republika ning Maling Aprika, metung yang bangsang atyu king mauli nang sepu ning Africa. Mapipitna ya kareng siyam a lalawigan, at maki 2,798 kilometres () yang bebe dayatmalat.[1][2][3] Atyu la king pangulu deng bangsang kasiping na, ing Namibia, Botswana ampong Zimbabwe; atilu king aslagan deng Mozambique ampong Swaziland; kabang ing Lesotho metung yang enclave a padurutan ning teritoryu ning Mauling Aprika.[4] Ing Mauling Aprika ing kadwang pulu't lima (25th) kareng bangsa king yatu king lapad, ampo ing kadwang pulu't apat (24th) king populasyun.
Metung yang multietnikung (myayaliwa lahing) ketawan o sosyedad ing Mauling Aprika, a myayaliwa kultura ampong amanu. Labi lang metung deng amanung kikilalanan ning Punbatas o Konstitusyon. Adwa kareti ing ibat king Europa: ing Ingles ampo ing Afrikaans, a menibatan king Holandes at gagamitan da reng keraklan kareng maputi ampong colored a Mauling Aprikanu. Lipat ning ing Ingles ing pekamarlas magagamit king byeng pangmalda o pangpubliku ampong pangnegosyu, kalima ya mu king bilang antimong amanu king bale.[3] Maki pekakatawan la o represantasyun deng anggang lahi ampong grupung lingwistiku king demokrasya nang konstitusyonal ning bangsa; e anti kareng keraklan kareng republikang parlamentaryu, miyayanib ya ing pekapun ning estadu (head of state) ampo ing pekapun ning kapamahalan (head of government) king ampo ing Pamuntuk a magdependi king Parlamentu.
Algeria | Angola | Benin | Botswana | Burkina Faso | Burundi | Cameroon | Cape Verde | Central African Republic | Chad | Comoros | Democratic Republic of the Congo | Republic of the Congo | Côte d'Ivoire | Djibouti | Egypt | Equatorial Guinea | Eritrea | Ethiopia | Gabon | The Gambia | Ghana | Guinea | Guinea-Bissau | Kenya | Lesotho | Liberia | Libya | Madagascar | Malawi | Mali | Mauritania | Mauritius | Morocco | Mozambique | Namibia | Niger | Nigeria | Rwanda | São Tomé and Príncipe | Senegal | Seychelles | Sierra Leone | Somalia (Somaliland) | South Africa | Sudan | Swaziland | Tanzania | Togo | Tunisia | Uganda | Western Sahara/SADR | Zambia | Zimbabwe
Lokasi Pengunjung: 3.12.163.76