Tamil Nadu (tamil nado, en tamol: தமிழ்நாடு tamiḻnāṭu) es un estat de la Republica d'Índia. Sa capitala e pus granda vila es Chennai (ancianament Madràs). Tamil Nadu se trapa dins la part pus meridionala del soscontinent indian e confronta los estats de Pondicherry, Kerala, Karnataka e Andhra Pradesh. Es delimitat pels Gats orientals al nòrd, pels monts Nilgiri, las Meghamalai e Kerala a l'oèst, pel golf de Bengala a l'èst, pel golf de Mannar e l'estreit de Palk al sud-èst, e per l'Ocean Indian al sud. L'Estat parteja una frontièra maritima amb Sri Lanka.
Compta aperaquí 72 milions d'abitants per un pauc mai de 130 000 km². La densitat mejana es fòrta, mas la creissença demografica es inferora a la mejana indiana. Tamil Nadu es mai ric e urbanizat que la mejana nacionala.
Tamil Nadu foguèt cret segon de critèrs linguistics en 1956 : correspond a pauc près a las regions d'Índia que i se parla tamol. Se sonava "Estat de Madras" fins en 1960.
Administracion
L'estat de Tamil Nadu es partejat entre 37 districtes que son Ariyalur, Chengalpattu, Chennai, Coimbatore, Cuddalore, Dharmapuri, Dindigul, Erode, Kallakurichi, Kanchipuram, Kanyakumari, Karur, Krishnagiri, Madurai, Nagapattinam, Namakkal, Perambalur, Pudukkottai, Ramanathapuram, Ranipet, Salem, Sivaganga, Tenkasi, Thanjavur, Nilgiris, Theni, Thoothukudi, Tiruchirapalli, Tirunelveli, Tirupathur, Tiruppur, Tiruvallur, Tiruvannamalai, Tiruvarur, Vellore, Viluppuram, Virudhunagar.
.svg)
