Sent Avit deu Tisac es una anciana comuna deu Perigòrd e deu departament de Dordonha, qu'es adara dins la comuna deu Pòrt de Senta Fe e Ponchac.

Le Tizac (Lo Tisac) es situat a l'oèst de Sent Avit deu Tisac. Son dos luècs diferents. Lo nom de Sent Avit es atestat en 1273, (S. Avit de ?)Tyzac ^[1]. L'article es probablament recent. Es absent de la mapa de Cassini, que pòrta curiosament St Avit de Tizac e St Avit, mes la comuna èra dejà Saint Avit du Tizac en 1793, quauquas annadas après. I a sèt sents deu nom de Sent Avit, mès aqueste seriá un ermita deu començament deu sègle VI, soldat deu rèi Alaric II, puèi presonièr de Clodovèu e convertit per la rèina Clotilde; ermita dins diferents luecs, dont lo Perigòrd, près de Sench Avit Senhor ^[2],[3],[4]. (Lo) Tisac ven deu nom latin (cognomen o nomen) Titius, emb lo sufixe -acum (latinizacion deu sufixe gallés -āco(n)), mes un nom gallés Titios es tanben possible (Xavier Delamarre)^{[1],[5],[6],[7]}. (Lo) Tisac èra donc probablament una anciana granda propietat antica qu'aviá per mèstre Titius / Titios.

En 1859, las ancianas comunas de Sent Avit deu Tisac, de La Roqueta e deu Canet fuguèren assembladas dins una comuna novèla que prenguèt lo nom deu Pòrt de Senta Fe. Lo capluec fuguèt fixat al Pòrt de Senta Fe^[8], aglomeracion que contunha la vila de Senta Fe.

modificar « persona »  v · d · m  Evolucion demografica Populacion comunala actuala (2013): , totala:
1793	1800	1806	1821	1831	1836	1841	1846	1851
	283	298	302	304	289	278	286	306
1856	1861	1866	1872	1876	1881	1886	1891	1896
315	-	-	-	-	-	-	-	-
1962	1968	1975	1982	1990	1999	2006	2007	2008
				Cercar	Cercar	Cercar	Cercar	Cercar
2009	2010
Cercar	Cercar
Fonts
Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE Evolucion de la populacion 1962-2008

• I a pas de donadas per 1793 (n'es tanben entau per Lo Canet e La Roqueta)
• Après 1859, la populacion es recensada dins la comuna deu Pòrt de Senta Fe.
• Per de rasons practicas, lo n° INSEE es estat camjat.

1. ↑ ^1,0 et ^1,1 Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 273
2. ↑ Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 304
3. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 582, a St-Abit
4. ↑ https://nominis.cef.fr/contenus/saint/6271/Saint-Avit.html
5. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 676, a Thizay
6. ↑ Bénédicte Boyrie-Fénié, Dictionnaire toponymique des communes, Gironde, ed. CAIRN e Institut Occitan, Pau, 2008, p. 362, per Tisac de Curton
7. ↑ Xavier Delamarre, Noms de lieux celtiques de l'Europe ancienne, ed. Errance, 2012, p. 252
8. ↑ http://cassini.ehess.fr/cassini/fr/html/fiche.php?select_resultat=30613

• Portau de Perigòrd