La region de Nòva Aquitània (var. Nuòva Aquitània, Nava Aquitània; en basco: Akitania Berria[akit̪ania β̞eria]; en francés: Nouvelle-Aquitaine[nuvɛl akitɛn]; en peitavin-santongés: Novéle-Aguiéne[novel agjen]) es una division administrativa e collectivitat territoriala francesa. Compausada de 12 departaments, es majoritàriament occitana, mas s’i parla tanben basco e peitavin-santongés. Lo caplòc es Bordèu. Son còdi geografic (INSEE) es 75. Sa populacion es de 6 171 721 abitants (64,98% dins la part occitana).
Lo nom provisòri èra compausat dels noms de las regions fusionadas, dins l’òrdre alfabetic. Lo 27 de junh de 2016, lo conselh regional se causís lo nom de Nòva Aquitània.
Istòria
Creada en 2015, resulta de la fusion de las regions Aquitània, Lemosin e Peitau-Charantas efectiva après las eleccions regionalas de decembre. Lo 1èr de genièr de 2016, lo president del conselh regional de la region fusionada que s’i troba la prefectura (Aquitània) assegura l’interim: es Alain Rousset, qu’es elegit president del novèl conselh regional lo 4 de genièr.
Composicion de la region
La region e sos departaments
Division
Nombre
Departaments
12
Arrondiments
41
Cantons
258
Comunas
4315
Populacion
Definicion
Nombre
Populacion totala
6 171 721
Populacion occitana
4 010 104
Percentatge occitan
64,98%
Lengas
Las 3 principalas lingas de la region Nòva Aquitània. Lo peitavin-santongés, l'occitan e lo basco.La region Novela Aquitània e sos dialectes.
En 2016, la region utiliza dos logos provisòris amb solament de letras, que reprenon lo nom de las tres regions fusionadas, puèi lo nom novèl e los noms ancians. En decembre, Alain Rousset presenta lo logo del leon rotge e l'escut.
↑Afirmat dins: Populations légales 2022. Ostal d'edicion: Institut Nacional de l'Estatistica e dels Estudis Economics. Lenga: francés. Data de publicacion: 19 de decembre de 2024.
.svg)
.svg){kind=small}
