Nauru (prononciat: /ˈnaw.ɾu/; en nauruan: Naoero), oficialament la Republica de Nauru (en nauruan: Repubrikin Naoero), es una pichona illa e un país independent dins l'ocean Pacific. L'Estat a pas de capitala oficiala, emai se Yaren, qu'es lo sèti del parlament, es considerada coma capitala de fach que lo districte acèssa lo Parlament.
Lo gentilici es nauruan -a.
Situada a 42 quilomètres al sud de l'equator, l'illa a una superfícia de 21,3 km2 e es formada d'un replanat central pauc enauçat culminant a 71 mètres a Command Ridge enrodat per una estreita plana costièra. Sus aquela plana se concentran los lotjaments e las infrastructuras industrialas, agricòlas, publicas e de transpòrt, l'interior de las tèrras essent majoritariament devolut a l'extracion de la mena de fosfat que constituís la sola riquesa naturala de Nauru. L'illa es distanta de 705 quilomètres de Tarawa-Sud, capitala de Kiribati, dins las illas Gilbert, a l'èst-nòrd-èst. Par sa superfícia, l'illa es considerada coma la pus pichona republica del mond. Sa densitat es la pus enauçada d'Oceania (9en reng mondial)
