Lo Musèu dels Agustins es lo musèu de las Bèlas Arts de Tolosa, en Lengadòc.
Malgrat las destruccions del sègle XIX, aqueste convent, amb sas clastras, sa glèisa, las salas capitularas, es un monument remarcable, joièl vertadièr de l'arquitectura gotica en Lengadòc. Una reconstitucion dels jardins de l'epòca medievala a renforçat l'autenticitat del luòc. Es tanben un grand musèu qu'evòca las grandas etapas de l'istòria de l'art, de l'epòca paleocrestiana al sègle XX.
