Mireia Boya Busquet (Sant Gaudenç, 26 de junhsèga de 1979) ei ua professora e politiciana aranesa. Ensenhaira en geografia umana ara Universitat Pompeu Fabra de Barcelona, fondèc er’ANC ena Val d’Aran.
En mai de 2015 se presentèc as eleccions der ajuntament de Les ena lista deth navèth partit Corròp e siguec elejuda cònsol major. En seteme ei candidata de la CUP en segona posicion de lista dera circonscripcion de Lhèida as eleccions deth Parlament de Catalonha[1]. Siguèc pas elejuda, totun eth deputat dera CUP Ramon Usall demissionèc[2] e deuré préner era sua plaça en gèr de 2016.
Ei tanben fondadora e actuau presidenta dera associacion Hemnes de Les.
Mireia Boya nasquèc en 1979 en Sant Gaudenç dens ua familha originària de Guilhamuc de Les. Estudièc ena Universitat Autonòma de Barcelona on se licencièc en sciéncies environamentales, mastèr en gestion e organizacion deth territòri. Obtenguèc posteriorament, en 2009, eth sòn doctorat en concepcion environamentau ena Universitat de Montreal. Estudièc durant un temps era gestion deth territòri des isles São Tomé e Príncipe.