Los Passatges (Pasaia oficiaument en basco) qu’es ua comuna gascona[1] de lenga basca. Administrativament, qu’es de la província de Guipuscoa dens la comunautat autonòma espanhòla deu Bascoat.
Qu'i parlèn gascon dinc a la purmèra mitat deu s. XX.[2],[3],[4],[5] Lo caplòc que n'ei Sent Joan (Pasai Donibane en basco).[6]
Toponimia e istòria
Vista deus Passatges
Dus Passatges que son d'un latz e de l'aute d'un braç de mar: Sent Joan e Sent Pèir. Que son creats au s. XV per gascons.[7] Lo pòrt que's disèva abans Puerto de Oyarza o Puerte de Oyarzun. Sent Joan, a l'èst, qu'estó aperat Pasages de Francia e qu'apartengó a Hont Arràbia dinc a 1770, quan e vadó independent devath lo nom de Pasages.[7] Qu'ei coneishut en basco com Pasai Donibane.[6] Sent Pèir, a l'oèst, qu'estó aperat Pasages de España e qu'apartengó a la comuna de Sent Sebastian dinc a 1805.[7] Qu'ei coneishut en basco com Pasai San Pedro.[8]
La municipalitat de Pasages (nom en espanhòu) qu'estó estenuda en 1805 per l'arrei Carles IV qui fusionè los dus Passatges.[7] Las manòbras de la comuna de Sent Sebastian que s’escadón a obténguer, en 1809, de l’arrei Jausèp Bonaparte, la reïntegracion de Sent Pèir dens Sent Sebastian. Totun aquera reïntegracion qu’estó anullada en 1813 un còp l’ocupant caçat. Enter 1868[9],[10] e 1891[11] qu'ei separada en duas comunas, Pasajes de San Juan e Pasajes de San Pedro. Ua darrèra tentativa de Sent Sebastian non s'escad pas de plan en 1945.[12]
L'ortografia espanhòu modèrna qu'ac escriu Pasajes.
↑“Pasajes de San Pedro. [...] Esta barriada con la de San Juan formaban la villa de Pasajes hasta 1868, en que se separaron. Disposición legislativa que autorice esta separación no hay ninguna, más que la tolerancia y el reconocimiento de las autoridades superiores.”, Pablo Riera y Sans, España y sus colonias. Barcelona: Establecimiento tipográfico editorial de Riera, 1891, p. 80.
↑“Entre el Censo de 1887 y el anterior [1877], este municipio desaparece porque se integra por partes en los municipios 20514 (Pasajes de San Juan) y 20515 (Pasajes de San Pedro)”, Alteraciones de los municipios en los Censos de Población desde 1842, INE, en linha.
↑Documentos presentados por el ayuntamiento de Pasajes en el expediente de segregación de diversos núcleos de población de su ayuntamiento, incoado por el de San Sebastián.
