Los Jòcs Olimpics d'estiu de 2024 (Jòcs de la XXXIIIena olimpiada modèrna) se tenon a París, en França del 26 de julhet al 11 d'agost.

Qualques espròvas se debanan en Occitània:

• la vela au Rocàs Blanc (Marselha)
• de partidas de fotbòl a Bordèu, Marselha e Niça.

Un ramat d’occitans participan als jòcs, dins la delegacion Francesa e quitament dins aquela d’Austràlia (Jessica e Noemie Fox).

• 11 d'agost: L’agenesa Romane Bernies, la bordalesa Valériane Ayayi, la paulina Marine Fauthoux e la rodanesa Leïla Lacan se ganhan una medalha d’argent en basquet.
• 10 d'agost: lo canenc Kévin Tillie, lo montpelhierenc Jean Patry, lo peçagués Théo Faure e lo rafelenc Earvin Ngapeth se ganhan una medalha d’aur en voleibòl. La marselhesa Lucie Granier se ganha una medalha d’argent en handball.
• 9 d'agost: lo tolzan Guillaume Restes e l’aurengenc Joris Chotard se ganhan una medalha d’argent en fotbòl. Lo tolzan Simon Gausit e los montpelhierencs Alexis e Félix Lebrun se ganhan una medalha de bronze per equipa en tennis de taula.
• 8 d'agost: lo vaurés Benjamin Thomas se ganha una medalha d’aur en omnium. L’albigés Billal Bennama se ganha una medalha d’argent en bòxa. La tolonenca Lauriane Nolot se ganha una medalha d’argent en kitesurf.
• 7 d'agost: lo tolzan Sofiane Oumiha se ganha una medalha d’argent en bòxa.
• 6 d'agost: la ponòta Johanne Defay se ganha una medalha de bronze en surf.
• 5 d'agost: la marselhesa Noemie Fox se ganha la medalha d’aur e l’olierenca Angèle Hug se ganha la medalha d’argent en caiac cross. Lo libornés Lucas Dussoulier se ganha una medalha d’argent en basquet 3x3.
• 4 d'agost: lo tolosan Léon Marchand e lo sestian Clément Secchi se ganhan una medalha de bronze en relais de natacion. Lo montpelhierenc Félix Lebrun se ganha una medalha de bronze en tennis de taula.
• 3 d'agost: la nimesenca Shirine Boukli se ganha una medalha d'aur amb l'equipa de França de judo. Lo sanhenc Christophe Laporte se ganha una medalha de bronze en ciclisme.
• 2 d'agost: lo tolosan Léon Marchand se ganha una quatrena medalha d'aur en natacion. La bordalesa Sarah Steyaert se ganha una medalha de bronze en vela. Lo cavalhonenc Sylvain André se ganhan una medalha d'argent en BMX.
• 31 de julhet: lo tolosan Léon Marchand se ganha doas autras medalhas d'aur en natacion. La marselhesa Jessica Fox se ganha una medalha d'aur en canoè. Lo besierenc Anthony Jeanjean se ganha una medalha de bronze en BMX. Los marselhés Jean-Philippe e Sébastien Patrice e lo tarbés Maxime Pianfetti se ganhan una medalha de bronze en sabre per equipa.
• 29 de julhet: lo besierenc Victor Koretzky se ganha una medalha d'argent en VTT.
• 29 de julhet de 2024: lo nimesenc Baptiste Addis se ganha una medalha d'argent en tir a l'arc per equips.
• 28 de julhet: lo tolosan Léon Marchand se ganha l'aur olimpic en natacion. La marselhesa Jessica Fox se ganha una medalha d'aur en caiac.
• 27 de julhet: l'equipa de França de Rugbi de 7 amb 5 occitans se ganha la medalha d'aur.
• 27 de julhet: la nimesenca Shirine Boukli se ganha una medalha d'argent en judò.