Musicalament, a començat per enregistrar en 1978 un primièr album retrospectivament devengut culte per èsser dins un estili unenc (encara uèi), una mena de musica nau-fòlc avangardista (qu'èra l'estili de son primièr grop, Machin, que per una part an participat a l'enregistrament del dit album, ...tout corps vivant branché sur le secteur étant appelé à s'émouvoir...), e que conten un tròç devengut au fil de las annadas la cançon indisociabla del nom de Thiéfaine : La fille du coupeur de joints.
Aital, quitament s'encontrèt pas còp-sèc lo succès (a avut son primièr disc d'aur pendent las annadas 80 sonque), foguèt pr'aquò tre la debuta remarcat tan per sa musica sosprenenta que per l'originalitat dels tèxtes, a l'encòp provocators (que l'allusion au consum de drògas èra tras qu'evident), umoristics e onirics. Puèi s'es un pauc virat cap au rock (Psychanalyse du Singe, 113e cigarette sans dormir, Narcisse 81, Bipède à station verticale) e a la new wave (Sweet amanite phalloïde queen, Stalag-tilt) pendent las annadas 80 e 90, l'estili musical de la màger part de sas cançons demorant çaquelà entre blues e rock (La Vierge au Dodge 51, Was ist das rock'n'roll, Crépuscule transfert, Les mouches bleues, Zone chaude môme, Le vieux Bluesman et la bimbo[1]), baladas pop (Groupie 89 Turbo 6, Lorelei Sebasto Cha, Septembre rose, La Ruelle des morts) e cançon francesa poetica, sia romanticas (Mathématiques souterraines, Je t'en remets au vent, Affaire Rimbaud, Un automne à Tanger, Animal en quarantaine), sia d'una negror e d'un pessimisme pregon (Alligators 427, La Dèche le twist et le reste, Les Dingues et les Paumés).
Discografia
1978: ...tout corps vivant branché sur le secteur étant appelé à s'émouvoir...
.JPG)