Lo Grand Redond o Bolingrin (de Bowling-green) es un jardin public situat a Tolosa. Foguèt realizat al sud èst del centre vila de Tolosa, entre 1752 e 1754. Ten la forma d'un punt redond grandàs que ne partisson quatre grandas andanas, las andanas Jules Guesde, François Verdier, Pau Sabatièr e Frederic Mistral. Aquel redond (4 ectaras) foguèt transformat en jardin a l'anglesa al sègle XIX.

Lo nom ven de Bowling-green en referéncia a las pelanas que los tolosencs anavan jogar als jòcs de bolas. Fin finala foguèt batejat « Grand Redond » aprèp una corsa de cavals lo 29 julhet de 1830^[1].

Lo Grand Redond fasiá partida d'un grand projècte d'urbanisme de Loís de Mondran dins los ans 1750. Lo 17 de decembre de 1751, los Capitols acceptèron lo projècte e s'acabèron las òbras en 1754^[2]. Lo jardin es alara de forma ovala amb sièis anadas de 58 mètres de larg raionantas dempuèi la plaça.

Lo Grand Redond es decorat d'estatuas, en general uèi de copiás

• Una font Wallace
• La canha e la loba, doas estatuas de Pierre Rouillard que son fàcia a fàcia del costat nòrd

a l'entorn del bacin central

• Louis Vestrepain d'Antonin Mercié
• Lo Vencedor del combat de gals d'Alexandre Falguière
• Dàvid aclopant Goliat d'Antonin Mercié
• Lo revelh de Morfèu de Léo Laporte-Blairsy
• bust de Lucian Mengaud ^[3]

Jardins ligats:

• Jardin de las Plantas
• Jardin Reial de Tolosa

• (fr) Jean-Marie Granier, Toulouse côté jardins ed: Éditions Daniel Briand; 2005; isbn=2903716668

1. ↑ id "Garnier"
2. ↑ "Garnier" (fr) Jean-Marie Granier, Toulouse côté jardins, p. 14
3. ↑ (fr)Gourtade, Véronique : 15 promenades dans Toulouse sous le regard complice des sculptures. Labège, TME 2006 p.114-117