La cultura lusaciana es una cultura dau Periòde dau Bronze tardiu e dau començament dau Periòde dau Fèrre que sa zòna d'extension es centrat sus lo territòri de la Polonha actuala. Desvolopèt de relacions ambé lei culturas vesinas. Lei cavaments deis arqueològs an mostrat l'existéncia d'una civilizacion agricòla (blat, òrdi, fava ò encara lentilha e norrigatge d'ovins e de cabras) organizada a l'entorn de vilatges de fusta fortificats (Biskupin). La caça èra tanben una activitat importanta per l'alimentacion. L'utilizacion dau chivau e dau carri èran conegudas.