La Comunautat de comunas d'Avairon Bas Segalar Viaur (ancianament d'Avairon Segalar Viaur) es una intercomunalitat [1],[2]roergassa, situada dins lo departament d'Avairon e la region d'Occitània, ancianament de Miègjorn-Pirenèus. Son còdi SIREN es 241 200 807.
La lenga autoctòna es l'occitan lengadocian roergàs.
Istòria
La comunautat de comunas d'Avairon Segalar Viaur se creèt lo 1èr de genièr de 2002.
La Bastida de l'Avesque, Sent Sauvador, Vabre e Tisac formèron en 1992 una pichona intercomunalitat, la comunautat de comunas del Bas Segalar. Aquela comunautat se mudèt en comuna novèla lo 1èr de genièr de 2016, en gardant lo sieu nom, puèi dintrèt dins l'intercomunalitat [3], que passèt aital de 6 a 7 comunas.
La comunautat de comunas d'Avairon Segalar Viaur cambièt de nom en agost de 2017 per prene lo de « comunautat de comunas d'Avairon Bas Segalar Viaur » [4].
