Lo canton de Bordèu-3 es lo nom d'una anciana division administrativa e electorala francesa de Guiana, pui en 2015 d'una simpla circonscripcion electorala geograficament diferenta, las duas situadas dens l'arrondiment de Bordèu, lo departament de Gironda e la region de Novèra Aquitània, ancianament d'Aquitània.
Lo canton actuau de Bordèu-3 correspond a l'ancian canton de Bordèu-8 agrandit d'una partida dau canton de Bordèu-4 ancian. Inversament, l'ancian canton de Bordèu-3 correspondèva a una bona partida dau canton de Bordèu-2 actuau.
N.B. Per rasons tecnicas, una partida de las informacions de l'infobox (n° INSEE, populacion) correspon au canton ancian de Bordèu-8.
Lo canton novèth correspond a una partida de la comuna de Bordèu, principalament l'anciana comuna de Cauderan. Sa populacion es de 47 904 abitants sus 254 436 (en 2017)
Los cantons de Bordèu dempui 2015
Istòria
Lo canton ancian
Los cantons de Bordèu avant 2015
Lo canton de Bordèu-3 hut creat en 1801 coma los autes cinc prumèirs cantons de Bordèu, per scission dau canton de Bordèu [1] (los ancians cantons de Bordèu-7 e de Bordèu-8 datan respectivament de 1888 e 1973).
Lo canton novèth
Dempui la refòrma cantonala de 2014, aplicada a las eleccions departamentalas de març 2015, la plaça dau canton de Bordèu-3 es diferenta de la de l'ancian canton [2].
